Bigg Boss Marathi 4 : 'ऑल इज वेल' म्हणत 'बिग बॉस'चं दार उघडलं; स्पर्धक म्हणून कोणाकोणाची एन्ट्री?

Bigg Boss Marathi : एक घर, 100 दिवस आणि 16 स्पर्धकांचा प्रवास आता सुरू झाला आहे.

Bigg Boss Marathi 4

Bigg Boss Marathi 4 : 'बिग बॉस मराठी' (Bigg Boss Marathi 4) हा छोट्या पडद्यावरील वादग्रस्त, लोकप्रिय कार्यक्रम आहे. आता 'बिग बॉस मराठी'च्या चौथ्या पर्वाला सुरुवात झाली आहे. दरवर्षीप्रमाणे यंदाही प्रसिद्ध दिग्दर्शक आणि अभिनेते महेश मांजरेकर या कार्यक्रमाचे सूत्रसंचालन करत आहेत. यंदाचं पर्व 'ऑल इज वेल' या थीमवर आधारित आहे. 

'बिग बॉस मराठी'च्या चौथ्या पर्वात सहभागी होणार 'हे' स्पर्धक

देवमाणूस फेम तेजस्विनी लोणारी, अभिनेता प्रसाद जवादे, मुंबईचा निखिल राजेशिर्के आणि कोल्हापूरची अमृता धोंगडे, 'सातारी बाणा' किरण माने, 'स्प्लिट्सविला' फेम समृद्धी जाधव, अक्षय केळकर, रोडीज फेम योगेश जाधव, पुण्याची 'टॉकर'वडी अमृता देशमुख, ऑटो राणी यशश्री मसुरकर, डान्सच्या दुनियेतला सुपरस्टार विकास सावंत, लावणीक्वीन मेघा घाडगे, त्रिशूल मराठे, अभिनेत्री रुचिरा जाधव आणि नृत्य दिग्दर्शक रोहित शिंदे हे स्पर्धक 'बिग बॉस मराठी'च्या चौथ्या पर्वात सहभागी झाले आहेत. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Colors Marathi (@colorsmarathi)

एक घर 100 दिवस 16 स्पर्धक!

भांडण, दंगा, आणि प्रेमाने प्रेक्षकांना गुंतवून ठेवणारा कार्यक्रम म्हणजे 'बिग बॉस मराठी'. प्रेक्षक गेल्या अनेक दिवसांपासून बिग बॉसच्या चौथ्या पर्वाची प्रतीक्षा करत होते. अखेर एक घर, 100 दिवस आणि 16 स्पर्धकांचा प्रवास आता सुरू झाला आहे. त्यामुळे आता बिग बॉसच्या चाहत्यांना मनोरंजनाची मेजवानी मिळणार आहे. 

'बिग बॉस मराठी 4' कुठे पाहू शकता?

बिग बॉस मराठीचं चौथं पर्व प्रेक्षक कलर्स मराठीवर सोम-शुक्र रात्री 10 वा. आणि शनि-रवि रात्री 9.30 वा. पाहू शकतात. 

संबंधित बातम्या