Sukh Mhanje Nakki Kay Asta: गौरीच्या मदतीने मंगलने जयदीपसाठी बनवली खिचडी;'सुख म्हणजे नक्की काय असतं !'च्या प्रोमोनं वेधलं लक्ष
मंगलची शिर्केपाटील कुटुंबाच्या घरात एन्ट्री होताच शालिनीनं वेगवेगळे प्लान करण्यास सुरुवात केली आहे.
Sukh Mhanje Nakki Kay Asta: सुख म्हणजे नक्की काय असतं (Sukh Mhanje Nakki Kay Asta) या मालिकेत वेगवेगळे ट्वीस्ट येत असता. या मालिकेमधील मंगलची काही दिवसांपूर्वी जेलमधून सुटका झाली. मंगलची शिर्केपाटील कुटुंबाच्या घरात एन्ट्री होताच शालिनीनं वेगवेगळे प्लान करण्यास सुरुवात केली आहे. सुख म्हणजे नक्की काय असतं मालिकेचा एक प्रोमो सध्या सोशल मीडियावर व्हायरल झाला आहे. या प्रोमोमध्ये दिसत आहे की, मंगलला गौरी ही स्वयंपाक बनवायला सांगत आहे.
'सुख म्हणजे नक्की काय असतं !' मालिकेच्या प्रोमोमध्ये दिसत आहे की, मंगल आणि गौरी या किचनमध्ये आहेत. दोघी स्वयंपाकाबद्दल बोलत आहेत. मंगल ही गौरीला सांगते की, तिनं तुरुंगात असताना स्वयंपाक केला नव्हता. त्यानंतर गौरी ही मंगलला म्हणते, 'तुम्हाला स्वयंपाक बनवावा लागेल. बाकी कोणासाठी नाही तर तुमच्या लेकासाठी बनवावा लागेल.'
आता मंगल ही जयदीपसाठी खिचडी बनवणार आहे. मंगल बनवलेली खिचडी ही जयदीपला आवडेल का? हे पाहण्यासाठी प्रेक्षक उत्सुकत आहेत. तसेच शालिनी आता कोणता नवा प्लॅक करणार आहे? हे देखील लवकरच प्रेक्षकांना कळणार आहे.
View this post on Instagram
मंगलची जेलमधून सुटका झाली. मंगल ही जवळपास 30 वर्ष तुरुंगात होती. तुरुंगातून सुटका होताच मंगल ही शिर्केपाटील कुटुंबाच्या घरात आली. मंगल घरात आल्यानंतर शालिनीनं विविध प्लॅन्स करायला सुरुवात केली. शालिनीच्या प्लॅनमुळे गौरी आणि जयदीपच्या आयुष्यात अडचणी निर्माण होत असतात. सुख म्हणजे नक्की काय असतं मालिकेतील गौरी आणि जयदीप या जोडीला प्रेक्षकांची पसंती मिळाली.
सुख म्हणजे नक्की काय असतं मालिकेमधील कलाकार
सुख म्हणजे नक्की काय असतं या मालिकेमध्ये सुप्रसिद्ध अभिनेत्री अतिशा नाईक या मंगल ही व्यक्तिरेखा साकारत आहेत. तसेच या मालिकेत गिरिजा प्रभू, मंदार जाधव, माधवी निमकर आणि वर्षा उसगावकर हे कलाकार प्रमुख भूमिका साकारत आहेत. या मालिकेतील कलाकारांच्या अभिनयाला प्रेक्षकांची विशेष पसंती मिळत आहेत.
महत्त्वाच्या इतर बातम्या :
महत्त्वाच्या बातम्या
