SRGMP : सारेगमप (SRGMP) लिटिल चॅम्प्सचा महाअंतिम सोहोळ्याआधी स्पर्धकांनी राज ठाकरेंचे आशीर्वाद घेतले आहेत. पंचरत्नांचं योग्य मार्गदर्शन, मृण्मयी देशपांडेचे खुमासदार सूत्रसंचालन आणि 14 लिटिल चॅम्प्सच्या धमाकेदार सादरीकरणामुळे 'सारेगमप' लिटिल चॅम्प्सच हे नवीन पर्व चांगलेच गाजले. अगदी सुरुवातीपासूनच प्रेक्षकांनी या पर्वाला पसंती दर्शवली.
या 14 स्पर्धकांचा प्रवास प्रेक्षकांनी पाहिला. या 14 अप्रतिम गाणाऱ्या स्पर्धकांमध्ये कोण वरचढ आहे हा निर्णय घेणं पंचरत्नांसाठी सुद्धा कठीण होतं. ही स्पर्धा आता अंतिम टप्प्यात आलेली आहे. पलाक्षी दीक्षित, ओंकार कानेटकर, गौरी गोसावी, प्रज्योत गुंडाळे, सारंग भालके, रीत नारंग आणि स्वरा जोशी हे सात स्पर्धक महाअंतिम सोहळ्यात एकमेकांशी स्पर्धा करणार आहेत. हे सातही स्पर्धक प्रेक्षकांचे लाडके आहेत. त्यामुळे त्यांच्यामध्ये कोण विजेता ठरणार हे सांगणं प्रेक्षकांसाठीदेखील अवघड आहे.
महाअंतिम सोहोळ्याआधी या 7 स्पर्धकांनी मनसे प्रमुख 'राज ठाकरे' यांची भेट घेऊन त्यांचे आशीर्वाद घेतले. दरम्यान राज ठाकरेंना भेटून स्पर्धक भारावून गेले. राज ठाकरेंनी या मुलांना इलेक्ट्रिक तानपुरा आणि तबला भेट दिला. दरम्यान राज ठाकरेंनी त्यांच्या लहानपणीच्या आठवणींना उजाळा दिला. सारेगमप लिटिल चॅम्प्सचा महाअंतिम सोहळा येत्या रविवारी 5 डिसेंबर रोजी संध्याकाळी 7 वाजता झी मराठीवर प्रेक्षकांना पाहायला मिळणार आहे.
याआधीदेखील 'मन उडू उडू झालं' मालिकेतील 'इंद्रा आणि दिपू'ने राज ठाकरेंची भेट घेतली होती. इंद्रा आणि दिपू म्हणजेच अभिनेता अजिंक्य राऊत आणि अभिनेत्री ऋता दुर्गुळे यांनी राज ठाकरेंची भेट घेतली होती. महाराष्ट्र नवनिर्माण सेनेने आयोजित केलेल्या दीपोत्सवात ऋता आणि अंजिक्यने हजेरी लावली होती. "माननीय राज ठाकरे यांचं व्यक्तिमत्व खूप मोठं आहे आणि त्यांना भेटून मला खूप छान वाटलं. हा क्षण माझ्यासाठी अविस्मरणीय होता", असं ऋता म्हणाली.
संबंधित बातम्या
TRP Report : बड्या पडद्यावरचे सुपरस्टार छोट्या पडद्यावर फेल! अमिताभ, सलमान, रणवीरचा एकही शो टॉप टेनमध्ये नाही
Kamal Haasan : दाक्षिणात्य सुपरस्टार कमल हासन कोरोनामुक्त
Money Heist Season 5 : मनी हाईस्टचा शेवटचा भाग लवकरच प्रेक्षकांच्या भेटीला, चोरी यशस्वी होणार का?
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha