Bigg Boss Marathi 3 : बिग बॉस मराठीच्या स्पर्धकांना हसू अनावर, दिवसागणिक सदस्यांमधील नात्यात बदल

Bigg Boss Marathi 3 : बिग बॉस मराठीच्या घरामध्ये विशाल आणि मीनलची आज चर्चा बघायला मिळणार आहे.

Bigg Boss Marathi 3 : बिग बॉस मराठीच्या घरामध्ये आज खूप दिवसांनी 'टीम B' एकत्र बसून चर्चा करताना दिसणार आहे. या टीममध्ये आणखी एका सदस्याची भरती झाली आहे. हा सदस्य म्हणजेच गायत्री दातार. बिग बॉस मराठीच्या घरामध्ये विशाल आणि विकास चर्चा करताना दिसणार आहेत. दरम्यान विकासने टीमला एक विनंती केली आहे. विकासने विनंती करताच घरातील सर्व सदस्यांना हसू अनावर झाले आहे. 

आजच्या भागात विशाल विकासला विचारताना दिसणार आहे,"तू मला नॉमिनेट का करायला गेला होतास जयकडे ?". विकास त्यावर म्हणाला,"कारणं तू मला करत होतास". विशाल म्हणाला,"मी तुझं नावं सुध्दा घेतले नाही". त्यावर विकास म्हणाला,"मला जयने सांगितले. मीनल म्हणाली,"खोटं बोलतो". विशाल म्हणाला,"खोटं बोलायला कुठल्या शाळेत..." विकास म्हणाला,"त्याविषयी आपण बोलूया कॅमेरा ऑफ होऊ देत". विकास म्हणाला,"आम्ही तीन दिवस वाट बघत होतो तू येशील आमच्याकडे सॉरी बोलायला". विकासचे म्हणणे आहे,"इथून पुढचा गेम अवघड होत जाणार आहे, तर कोणालाही नॉमिनेट करा मला नॉमिनेट करू नका". विकासच्या बोलण्यावर घरातील सर्व सदस्यांना हसू अनावर झाले आहे.

बिग बॉस मराठीच्या घरामध्ये विशाल आणि मीनलची आज चर्चा बघायला मिळणार आहे. ज्यामध्ये ते कॅप्टन्सी टास्क आणि विकासबद्दल बोलताना दिसणार आहेत. घरातील सदस्यांची नाती दर दिवसाला बदलत आहेत.  बिग बॉस मराठीच्या घरामध्ये दिवसागणिक सदस्यांमधील नाती बदलत आहेत. जे सदस्य अगदी जिवाभावाचे मित्र वा जिवाभावाच्या मैत्रिणी होत्या त्यांच्यामध्ये दुरावा येत चालला आहे.

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha