Shark Tank India-2: 10 वी पर्यंत शिक्षण अन् वयाच्या 8 व्या वर्षी झाला उद्योजक; 18 वर्षाच्या तरुणाचा प्रवास ऐकून 'शार्क्स' देखील झाले थक्क!
'शार्क टँक इंडिया-2' (Shark Tank India-2) या कार्यक्रमाच्या एका एपिसोडमध्ये 18 वर्षाच्या एका तरुणानं हजेरी लावली. या तरुणाचा प्रवास ऐकून शोमधील शार्क्स देखील थक्क झाले.
Shark Tank India-2: छोट्या पडद्यावरील 'शार्क टँक इंडिया-2' (Shark Tank India-2) या कार्यक्रमाला प्रेक्षकांची विशेष पसंती मिळत आहेत. या कार्यक्रमाच्या पहिल्या सीझनप्रमाणेच दुसऱ्या सीझनला देखील प्रेक्षकांचा प्रतिसाद मिळत आहे. 'शार्क टँक इंडिया' या शोमध्ये स्वत:चा व्यवसाय असणारे लोक येतात. हे लोक शोमधील परीक्षकांना त्यांची बिझनेस आयडिया सांगतात. या कार्यक्रमाच्या एका एपिसोडमध्ये 18 वर्षाच्या एका तरुणानं हजेरी लावली. या तरुणाचा प्रवास ऐकून शोमधील शार्क्स देखील थक्क झाले.
तरुणानं सांगितला प्रवास
शार्क टँकच्या आगामी एपिसोडचा एक प्रोमो सोशल मीडियावर व्हायरल झाला. या प्रोमोमध्ये दिसत आहे की, एक तरुण शार्क्सला स्वत:बद्दल माहिती देत आहे. तो म्हणतो, 'मी वयाच्या 8 व्या वर्षी व्यवसाय करायला सुरुवात केली. तेव्हा माझ्या पेंटिंग्सची विक्री मी करत होते. माझी पहिली कमाई नऊ हजार होती. जेव्हा मी 7 वी मध्ये होते. तेव्हा मी स्टॉक मार्केट शिकण्यासाठी इंटर्नशिप केली. त्यानंतर लोकांना कर्ज देण्यास सुरुवात केली.'
प्रोमोमध्ये दिसत आहे की, शार्क टँकमधील शार्क्स हे त्या तरुणाला त्याचं वय विचारत आहे. त्यावर तो तरुण म्हणतो, '10-15 दिवसांपूर्वीच मी 18 वा वाढदिवस साजरा केला.' या तरुणाचं वय ऐकून सर्व शार्क्स आश्चर्यचकित होतात. सध्या शार्क टँकच्या या एपिसोडचा हा प्रोमो सोशल मीडियावर व्हायरल होत आहे.
पाहा प्रोमो:
View this post on Instagram
नमिता थापर (Namita Thapar), अनुपम मित्तल (Anupam Mittal), अमित जैन (Amit Jain), पियूष बंसल ( Peyush Bansal) आणि विनीता सिंह (Vineeta Singh) हे शार्क टँक-2 या कार्यक्रमाचे परीक्षण करतात. 'शार्क टँक इंडिया' या शोमध्ये स्वत:चा व्यवसाय असणारे लोक त्यांच्या वेगवेगळ्या बिझनेस आयडिया घेऊन येतात. त्यामधील काही कल्पना या अतरंगी देखील असतात. या शोमधील परीक्षक हे शोमध्ये येणाऱ्या व्यक्तींसोबत संवाद साधून त्यांच्या आयडिया जाणून घेण्याचा प्रयत्न करतात. जर त्या व्यक्तीची कल्पना परीक्षकांना आवडली तर ते त्या व्यक्तीच्या व्यावसायासाठी मदत करतात, असा हा कार्यक्रम आहे.
महत्वाच्या इतर बातम्या:
महत्त्वाच्या बातम्या
