Satvya Mulichi Satavi Mulgi : त्रिनयना देवीच्या प्रकटदिनी नेत्रावर कोणते संकट येणार? रूपाली आणि इंद्राणी मिळून डाव साधणार

Satvya Mulichi Satavi Mulgi : 'सातव्या मुलीची सातवी मुलगी' ही मालिका आता उत्कंठावर्धक वळणावर आली आहे.

Satvya Mulichi Satavi Mulgi

Satvya Mulichi Satavi Mulgi Marathi Serial Update : 'सातव्या मुलीची सातवी मुलगी' (Satvya Mulichi Satavi Mulgi) ही मालिका आता उत्कंठावर्धक वळणावर आली आहे. आता त्रिनयना देवीच्या प्रकटदिनी नेत्रावर कोणते संकट येणार याकडे प्रेक्षकांचं लक्ष लागलं आहे. 

रुपालीला कळतं की इंद्राणीला नेत्राच्या मनातलं ऐकू येत नाही. त्यामुळे रूपालीचा संताप होतो आणि ती इंद्राणीला घर सोडून जायला सांगते. इंद्राणी घर सोडून जात असताना ममताचा आत्मा येऊन तिला रोखतो. ममता इंद्राणीला जाऊ नको, असं सांगते. इंद्राणीला याचं आश्चर्य वाटतं.

नेत्रा विचार करते की ममताने नेमकं इंद्राणीला काय सांगितलं असेल. नेत्रा या विचारात असताना अव्दैत तिला आपल्यासोबत घेऊन जातो. दुसरीकडे रागावलेल्या रूपालीला शांत करण्यासाठी इंद्राणी तिला त्रिनयना देवीच्या प्रकटदिनाविषयी सांगते. प्रकटदिनादिवशी हळद-कुंकू ओलांडलं गेलं तर देवीची अवकृपा होईल आणि त्याचा नेत्राला त्रास होईल, कदाचित नेत्राची दिव्यशक्ती, तिला संकेत दिसणं, हे सगळं कायमचं बंद होईल. असं इंद्राणी रूपालीला सांगते.

 

 

 

 

 

View this post on Instagram

 

 

 

 

 

 

 

 

 

 

 

A post shared by Zee Marathi (@zeemarathiofficial)

त्रिनयना देवीच्या प्रकटदिनादिवशी नेमकं काय घडणार, रूपाली आणि इंद्राणी मिळून कसा डाव साधणार, आणि नेत्रा हळदी-कुंकू ओलांडणार का? हे लवकरच 'सातव्या मुलीची सातवी मुलगी' या मालिकेत प्रेक्षकांना पाहायला मिळणार आहे. 'सातव्या मुलीची सातवी मुलगी' ही मालिका प्रेक्षक सोमवार ते शनिवार रात्री  10:30 वा. पाहायला मिळणार आहे. 

'सातव्या मुलीची सातवी मुलगी' मालिकेच्या स्टार कास्टबद्दल जाणून घ्या... Satvya Mulichi Satavi Mulgi Star Cast)

'सातव्या मुलीची सातवी मुलगी' या मालिकेचं कथानक भिन्न असल्यामुळे ही मालिका प्रेक्षकांच्या पसंतीस उतरली आहे. मालिकेतील वेगळा विषय प्रेक्षकांचं लक्ष वेधून घेणारा आहे. 'सातव्या मुलीची सातवी मुलगी' या मालिकेत तितिक्षा तावडे आणि अजिंक्य ननावरे मुख्य भूमिकेत आहेत. 

'सातव्या मुलीची सातवी मुलगी' या मालिकेत ऐश्वर्या नारकर, मुग्धा गोडबोले, रजनी वेलणकर, अजिंक्य जोशी, जयंत घाटे, राहुल मेहेंदळे हे कलाकारही महत्त्वपूर्ण भूमिकेत दिसत आहे. वेगळं कथानक असल्यामुळे ही मालिका प्रेक्षकांच्या पसंतीस उतरली आहे. 

संबंधित बातम्या