Bigg Boss 16 : सलमान खानच्या ‘बिग बॉस 16’ची छोट्या पडद्यावर हवा! यंदाच्या पर्वात सहभागी होणाऱ्यांमध्ये ‘या’ नावांची चर्चा

Bigg Boss 16, Salman khan : छोट्या पडद्यावरचा वादग्रस्त शो ‘बिग बॉस 16’ (Bigg Boss 16) आता लवकरच प्रेक्षकांच्या भेटीला येणार आहे.

Bigg Boss 16, Salman khan

Bigg Boss 16, Salman khan : छोट्या पडद्यावरचा वादग्रस्त शो ‘बिग बॉस 16’ (Bigg Boss 16) आता लवकरच प्रेक्षकांच्या भेटीला येणार आहे. या नव्या पर्वाच्या तयारीला सुरुवात झाल्याचेही बोलले जात आहे. सलमान खान (Salman Khan) आणि या शोचे चाहते नव्या पर्वाची आतुरतेने वाट पाहत आहेत. दरवर्षीप्रमाणेच यंदाच्या सीझनमध्ये देखील मोठा धमाका आणि ड्रामा पाहायला मिळणार आहे. येणाऱ्या नव्या पर्वात सहभागी होणाऱ्या स्पर्धकांच्या यादीत सध्या अनेकांची नावे समोर येत आहेत. या नावांमुळे पुन्हा एकदा शो चर्चेत आला आहे.

‘बिग बॉस’चा हा 16वा सीझन (Bigg Boss 16) येत्या 1 ऑक्टोबरपासून प्रेक्षकांच्या भेटीस येईल, अशी शक्यता वर्तवली जात आहे. तर, यंदाच्या सीझनमध्ये अनेक वेगवेगळे ट्विस्ट पाहायला मिळणार असल्याचे देखील म्हटले जात आहे. मात्र, अद्याप या संदर्भात कोणतीही अधिकृत माहिती वाहिनीकडून जाहीर करण्यात आलेली नाही.

प्रोमोला मिळतेय प्रेक्षकांची पसंती

प्रेक्षकांना आणि चाहत्यांना या शोची उत्सुकता लागून राहिली आहे. या शोमध्ये यंदा बऱ्याच गोष्टी पहिल्यांदाच घडताना दिसणार आहेत. नुकताच या शोचा एक प्रोमो रिलीज करण्यात आला. या प्रोमोत ‘बिग बॉस’(Bigg Boss) देखील खेळात सामील होणार असल्याचे म्हणण्यात आले आहे. तर, दुसऱ्या एका प्रोमोत ‘यंदाच्या खेळाचा एकच नियम की कोणताही नियम नाही’, असे म्हटले गेले आहे. त्यामुळे यंदाचा सीझन हटके ठरणार आहे.

‘बिग बॉस 16’च्या घरात जाण्यासाठी ‘ही’ नावे चर्चेत!

दरवर्षीप्रमाणे, यंदाही प्रेक्षकांची उत्सुकता ताणून धरण्यात आली आहे. ‘बिग बॉस’च्या नवीन सीझनमध्ये सहभागी होणाऱ्या प्रसिद्ध सेलिब्रिटी स्पर्धकांची संपूर्ण यादी अद्याप अधिकृतपणे जाहीर करण्यात आलेली नाही. परंतु, मीडिया रिपोर्ट्सनुसार, मनोरंजन विश्वातील अनेक चर्चित चेहऱ्यांना या शोसाठी संपर्क साधण्यात आला आहे आणि यातील काही चेहरे आगामी बिग बॉस 16 मध्ये सहभागी होऊ शकतात.

‘बिग बॉस 16’च्या स्पर्धेत सहभागी होण्यासाठी विवियन डिसेना (Vivian Dsena), जन्नत जुबेर (Jannat Zubair), मुनव्वर फारुकी (Munawar Faruqui), शिवांगी जोशी (Shivangi Joshi), शिवीन नारंग (Shivin Narang), दिव्यांका त्रिपाठी (Divyanka Tripathi), कनिका मान (Kanika Mann), अर्जुन बिजलानी (Arjun Bijlani), फैसल शेख (Faisal Shaikh), पूनम पांडे (Poonam Pandey), राजीव सेन (Rajeev Sen), चारू असोपा (Charu Asopa), टीना दत्ता (Tina Dutta), मुनमुन दत्ता (Munmun Dutta), हर्षद चोप्रा (Harshad Chopra), फरमानी नाझ (Farmani Naaz), पारस कलनावत (Paras Kalnawat) या कलाकारांची नावे चर्चेत आहेत.

संबंधित बातम्या