Rubina Dilaik : 'बिग बॉस 14' विजेती रुबिना दिलैकच्या कारचा अपघात; पतीने दिली हेल्थ अपडेट

Rubina Dilaik : अभिनेत्री रुबिना दिलैकच्या गाडीला अपघात झाला असून तिच्या नवऱ्याने म्हणजेच अभिनव शुक्लाने ट्वीट करत यासंदर्भात माहिती दिली आहे.

Rubina Dilaik

Rubina Dilaik Car Accident : रुबिना दिलैक (Rubina Dilaik) ही छोट्या पडद्यावरील सर्वाधिक लोकप्रिय अभिनेत्री आहे. नेहमी कोणत्या ना कोणत्या कारणाने चर्चेत असणारी रुबिना आता एका वेगळ्याच कारणाने चर्चेत आली आहे. अभिनेत्री रुबिना दिलैकच्या गाडीला अपघात झाला असून तिच्या नवऱ्याने म्हणजेच अभिनव शुक्लाने (Abhinav Shukla) ट्वीट करत यासंदर्भात माहिती दिली आहे. 

अभिनव शुक्लाने शेअर केलेल्या फोटोंमध्ये रुबिनाच्या कारचे नुकसान झाल्याचे दिसत आहे. पण या अपघातात रुबिना थोडक्यात बचावली आहे. रुबिनाच्या कारला धडक देणाऱ्या चालकावर नाराजी व्यक्त करत अभिनवने मुंबई पोलिसांना कारवाई करण्याचे आवाहन केले आहे. 

रुबिना दिलैकच्या गाडीला अपघात

रुबिना दिलैकच्या अपघाताची बातमी समजताच तिचे चाहते चिंता व्यक्त करत आहेत. त्यामुळे आता रुबिनाच्या पतीने हेल्थ अपडेट डेट रुबिनाची प्रकृती स्थिर असल्याची माहिती चाहत्यांना दिली आहे. त्याने कारचे फोटो शेअर करत ट्वीट केलं आहे,"आज आमच्यासोबत घडलं आहे... उद्या तुम्हाला या गोष्टींचा सामना करावा लागू शकतो. ट्रॅफिक लाइट जंप करणाऱ्या मूर्खांपासून सावध रहा. सर्वात महत्त्वाचं म्हणजे तो हसत उभा होता. सविस्तर नंतर सांगेल. रुबिना कारमध्येच होती. आता तिची प्रकृती ठीक असून तिला डॉक्टरांकडे घेऊन जात आहे. मुंबई पोलिसांना कठोर कारवाई करण्याची विनंती". 

Happened to us, can happen to you. Beware of idiots on the phone jumping traffic lights. To top it up standing there smiling. More details later. Rubina was in car she is fine, taking her for medical. @MTPHereToHelp @MumbaiPolice request you to take strict action ! @RubiDilaik pic.twitter.com/mOT5FPs4Vo

— Abhinav Shukla (@ashukla09) June 10, 2023

रुबिनाच्या अपघाताच्या बातमीने चाहते चिंतेत

अभिनवने रुबिनाच्या अपघाताबद्दल सांगताच तिचे चाहते चिंता व्यक्त करू लागले आहेत. रुबिना कशी आहे? कृपया काळजी घ्या, मला आशा आहे की तुम्ही दोघेही ठीक आहात. कृपया काळजी घ्या, तुम्हा दोघांसाठी प्रार्थना, अशा कमेंट्स चाहत्यांनी केल्या आहेत. 

रुबिनाबद्दल जाणून घ्या...

रुबिनाला 'शक्ति अस्तित्व के एहसास' या मालिकेच्या माध्यमातून चांगलीच लोकप्रियता मिळाली आहे. त्यानंतर ती 'बिग बॉस 14'मध्ये झळकली. या कार्यक्रमातील तिची खेळी प्रेक्षकांच्या पसंतीस उतरली आणि ती या पर्वाची विजेती ठरली. त्यानंतर ती रोहित शेट्टीच्या 'खतरों के खिलाडी 12' या कार्यक्रमात सहभागी झाली. यानंतर डान्स रिअॅलिटी शो 'झलक दिखला जा सीझन 10'च्या मंचावर तिने आपल्या नृत्याने सर्वांना वेड लावलं. 

संबंधित बातम्या