Rubina Dilaik : 'खतरों के खिलाडी 12' टास्कदरम्यान रुबिना दिलैकचा अपघात; रुग्णालयात दाखल

Rubina Dilaik : 'खतरों के खिलाडी 12'मध्ये टास्कदरम्यान रुबिना दिलैकचा अपघात झाला असून तिला रुग्णालयात दाखल करण्यात आला आहे.

Rubina Dilaik

Rubina Dilaik : रुबिना दिलैक (Rubina Dilaik) छोट्या पडद्यावरील लोकप्रिय अभिनेत्री आहे. बिग बॉसनंतर रुबिना 'खतरों के खिलाडी 12' (Khatron Ke Khiladi 12) या लोकप्रिय कार्यक्रमात सहभागी झाली. या कार्यक्रमात रुबिना वेगवेगळे स्टंट करताना दिसून येते. असेच स्टंट करताना आता रुबिनाचा अपघात झाला आहे. त्यामुळे तिला रुग्णालयात दाखल करण्यात आले आहे. 

रुबिना दिलैक रुग्णालयात दाखल

'खतरों के खिलाडी 12' मध्ये या आठवड्यात प्रेक्षकांना ग्रुप स्टंट पाहायला मिळणार आहे. रुबिनाला एक टास्क देण्यात आला होता. या टास्कदरम्यान रुबिना जखमी झाली आहे. रुबिनाच्या हाताला आणि पायाला दुखापत झाली आहे. तसेच तिला श्वास घ्यायलादेखील त्रास होत आहे. त्यामुळेच तिला रुग्णालयात दाखल करण्यात आले आहे. 

शक्ती फेम रुबिना दिलैकला गंभीर दुखापत झाली असून तिला तातडीने रुग्णालयात दाखल करण्यात आले आहे. तसेच डॉक्टरांनी तिला आराम करण्याचा सल्ला दिला आहे. नुकताच या कार्यक्रमाचा एक प्रोमो आऊट झाला आहे. यात रुबिना ओरडताना दिसत आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by ColorsTV (@colorstv)

रुबिना दिलैकला दुखापत झाल्याने तुषार कालिया (Tushar Kalia) आणि मोहित मलिक (Mohit Malik) यांना संघप्रमुख म्हणून घोषित करण्यात आले. मोहितच्या टीममध्ये रुबिना दिलैक, जन्नत जुबेर, मिस्टर फैसू आणि कनिका मानचा समावेश आहे. तर तुषारच्या टीममध्ये निशांत भट्ट, राजीव अडातिया, चेतना पांडे आणि श्रीती झा यांचा समावेश आहे. 

संबंधित बातम्या