Phulrani: 'तुम्हाला काय वाटतं कोण असेल फुलराणी?'; सायली संजीव, प्रसाद ओक यांच्या पोस्टची चर्चा
लवकरच 'फुलराणी' (Phulrani) ची झलक प्रेक्षकांना पहायला मिळणार आहे. काही सेलिब्रिटींनी 'फुलराणी कोण आहे?' असा प्रश्न सोशल मीडियाच्या माध्यमातून विचारला आहे.
Phulrani: गेल्या काही दिवसांपासून फुलराणी (Phulrani) या चित्रपटाची सोशल मीडियावर चर्चा होत आहे. या चित्रपटात फुलराणी ही भूमिका कोण साकारणार आहे? असा प्रश्न अनेकांना पडत आहे. लवकरच 'फुलराणी'ची झलक प्रेक्षकांना पहायला मिळणार आहे. काही सेलिब्रिटींनी 'फुलराणी कोण आहे?' असा प्रश्न सोशल मीडियाच्या माध्यमातून विचारला आहे.
सायली संजीवची पोस्ट:
सायलीनं सोशल मीडियावरील एक पोस्ट शेअर केली. या पोस्टमध्ये तिनं लिहिलं, 'आता तर मलाही पहायचंच आहे, एवढी चर्चेत असलेली ही फुलराणी नेमकी आहे तरी कोण... तुम्हाला काय वाटकं कोण असेल बरं?' 'तुम्हाला काय वाटतं कोण असेल फुलराणी ?' असं कॅप्शन सायलीनं या पोस्टला दिलं आहे.
View this post on Instagram
प्रसाद ओकची पोस्ट:
अभिनेता प्रसाद ओकनं देखील सोशल मीडियावर एक पोस्ट शेअर केली आहे. या पोस्टमध्ये त्यानं लिहिलं, 'इतक्या दिवसांपासून जिची उत्सुकता होती. फायनली, असं कळतंय की ती फुलराणी लवकरच येतेय. मी खूप एक्सायटेड आहे. सुबोध आता तरी सांग यार कोण आहे तुझी फुलराणी? '
View this post on Instagram
काही दिवसांपूर्वी फुलरणाची या चित्रपटाचं पोस्टर सुबोध भावेनं सोशल मीडियावर शेअर केलं होतं. 'हटके तिची स्टाईल, फाडु तिची स्माईल बिंधास्त तिची अदा, दुनिया तिच्यावर फिदा..! नव्या वर्षाची Announcement... 'फुलराणी' फुलणार आपल्या नवीन वर्षात अर्थात गुढीपाडव्याच्या शुभमुहूर्तावर 22 मार्च 2023 पासून चित्रपटगृहांत' असं कॅप्शन सुबोधनं त्या पोस्टला दिलं होतं. त्यानंतर ही फुलराणी कोण आहे? असा प्रश्न अनेकांना पडला होता.
विश्वास जोशी यांनी ‘फुलराणी...अविस्मरणीय प्रेम कहाणी’ या चित्रपटाचं दिग्दर्शन केलं आहे. विश्वास जोशी, अमृता राव, श्वेता बापट चित्रपटाचे प्रस्तुतकर्ते आहेत. जाई जोशी, श्री.ए.राव, स्वानंद केळकर या चित्रपटाचे निर्माते आहेत. 22 मार्चला सिनेमागृहात 'फुलराणी' भेटणार आहे, पण त्यापूर्वी 13 फेब्रुवारीला 'फुलराणी' प्रत्यक्ष अवतरणार आहे. यावेळी 'फुलराणी'चा फर्स्ट लूक सोशल माध्यमातून रिव्हील करण्यात येणार आहे.
महत्त्वाच्या बातम्या :
महत्त्वाच्या बातम्या
