मुंबई : बिग बॉस मराठीचा पाचवा सीझन खूपच चर्चेत आहे. यंदाच्या सीझनच्या पहिल्या दिवसापासून सर्वाधिक चर्चित सदस्य म्हणजे निक्की तांबोळी. हिंदी बिग बॉस 14 मधील स्पर्धक बिग बॉस मराठीच्या घरात सहभागी झाल्यामुळे तिची चांगलीच चर्चा आहे. बिग बॉस मराठीच्या घरात पहिल्याच दिवशी राडा करुन निक्कीने ती चर्चेत का असते, हे पुन्हा एकदा दाखवून दिलं. दरम्यान, निक्की तांबोळी आणि प्रतीक सहजपाल यांची 'बिग बॉस'वाली लव्हस्टोरी तुम्हाला माहित आहे का?
निक्की तांबोळीची 'बिग बॉस'वाली लव्हस्टोरी
बिग बॉस 15 व्या सीझनचा विजेता प्रतीक सहजपाल आणि निक्की तांबोळी यांची लव्हस्टोरी खूप चर्चेत आली होती. याचं कारण म्हणजे निक्की तांबोळीने बिग बॉसच्या घरात प्रतीक सहजपालला किस केलं होतं, तिने प्रतीकसोबत लग्न करण्याची इच्छा व्यक्त केली होती. त्याशिवाय प्रतीकने तिला नॅशनल टेलिव्हिजनवर प्रपोजही केलं होतं. या लव्हस्टोरीची खूप चर्चा होती.
निक्की तांबोळी आणि प्रतीक सहजपाल या जोडीची चर्चा
'बिग बॉस ओटीटी' पहिल्या सीझनमध्ये रुबिना दिलैक आणि निक्की तांबोळीही बिग बॉसच्या घरात पाहुण्या म्हणून पोहोचल्या होत्या. यावेळी दोघांनी घरातील स्पर्धकांसोबत खूप धमाल केली. शोचा एक व्हिडीओ समोर आला होता, जो पाहिल्यानंतर बिग बॉसचे चाहते हैराण झाले. प्रतीक सहजपालनं निक्की तांबोळीला किस करतानाचा व्हिडीओ चांगलाच व्हायरल झाला होता.
प्रतीक केलं निक्कीला किस
निक्की तांबोळी आणि रुबिना दिलैक काचेच्या पेटीत एकत्र उभ्या आहेत. यादरम्यान, प्रतीकसोबत वैयक्तिक काहीतरी बोलायचं आहे, असं सांगत निक्की त्याला काचेच्या बॉक्सजवळ बोलावलते. यानंतर प्रतीक निक्कीकडे जातो. त्यानंतर निक्की म्हणते, तुझा गाल समोर कर. यानंतर निक्की काचेच्या पलिकडूनच प्रतीकच्या गालावर किस करते. मात्र, त्यानंतर जे घडले ते पाहून चाहते आश्चर्यचकित झाले. निक्कीला परत तसं करायला सांगत, प्रतीक तिला किस करतो. यावेळी दोघं समोरासमोर उभे असतात पण दोघांमध्ये काचेची भिंत असते. हा व्हिडीओ सोशल मीडियावर खूप व्हायरल झाला होता. मी तुझी बाहेर वाट पाहतेय, असंही यावेळी निक्कीने म्हटलं होतं.
निक्की तांबोळीची लव्हस्टोरी
प्रतीकसोबत लग्न करण्याची निक्कीची इच्छा
यानंतर 'द खतरा'मध्ये करण कुंद्रा, प्रतीक सहजपाल, पुनित पाठक आणि निक्की तांबोळी यांच्यासह अनेक सेलिब्रिटी शोमध्ये खळबळ माजवताना दिसले. शोच्या एका टास्कमध्ये निक्की तांबोळी तिच्या भावना व्यक्त करताना दिसली. द खतरा टास्कमध्ये भारतीने अभिनेत्री निक्की तांबोळीला विचारले की, तिला प्रतीक सहजपालसोबत दुसऱ्या डेटवर जायचं आहे का? या प्रश्नावर उत्तर देताना निक्की म्हणाली की, मला प्रतीकसोबत डेटवर जायचं नाही, मला त्याच्याशी लग्न करायचं आहे.
भर कार्यक्रमात गुडघे टेकून प्रपोज
कॉमेडियन भारती सिंह आणि पती हर्ष लिंबाचिया यांच्या 'द खतरा' शोमध्ये एका टास्कदरम्यान निक्की तांबोळीने प्रतीक सहजपालसोबत लग्न करण्याची इच्छा व्यक्त केली होती. त्यांनंतर याचं शोमध्ये प्रतीकने गुडघ्यावर बसून निक्कीला प्रपोज केलं होतं.
महत्त्वाच्या इतर बातम्या :