New Year 2024: आज 2023 या वर्षाचा शेवटचा दिवस. 2023 या वर्षाला बाय म्हणत 2024 (New Year 2024) या वर्षाचं स्वागत करण्यासाठी सर्वजण सज्ज झाले आहेत. अशातच अनेकांनी थर्टी फर्स्टचे वेगवेगळे प्लॅन्स केले आहेत. काही जण रेस्टॉरंटमध्ये जाऊन थर्टी फर्स्टची पार्टी करतात. तर काही लोक घरी बसून आपल्या कुटुंबासोबत वेळ घालवून नवं वर्षाचं स्वागत करतात. अशताच जर तुम्ही देखील घरी बसून कुटुंबासोबत थर्टी फर्स्टची पार्टी करणार आहात तर तुम्हाला घरबसल्या मनोरंजनाची मेजवानी मिळणार आहे. थर्टी फर्स्टच्या रात्री तुम्ही छोट्या पडद्यावरील हे कार्यक्रम पाहू शकता.
नववर्षाच्या स्वागतासाठी, हास्याची नॉन स्टॉप पार्टी !
'महाराष्ट्राची हास्यजत्रा' (Maharashtrachi Hasyajatra) या छोट्या पडद्यावरील कार्यक्रमाला प्रेक्षकांची पसंती मिळत आहे. या कार्यक्रमातील कलाकारांचा विनोदी अंदाज नेहमीच प्रेक्षकांची मनं जिंकतो. अशताच 'महाराष्ट्राची हास्यजत्रा' या कार्यक्रमातील कलाकार थर्टी फर्स्टला देखील प्रेक्षकांचे मनोरंजन करणार आहेत. 31 डिसेंबर रोजी संपूर्ण दिवस प्रेक्षकांना आवडलेली या वर्षभरातली 'महाराष्ट्राची हास्यजत्रा' या कार्यक्रमातील प्रहसने (Skit) दिवसभर दाखवली जाणार आहेत. तसेच रात्री 9 वाजता हास्याची नॉनस्टॉप पार्टी 'महाराष्ट्राची हास्यजत्रा' या कार्यक्रमात प्रेक्षकांना बघायला मिळणार आहे.
- 'महाराष्ट्राची हास्यजत्रा'
- कधी आणि कुठे पाहणार? - सोनी मराठी रात्री 9 वाजता आणि दिवसभर कार्यक्रमातील प्रहसने
सूर नवा ध्यास नवा'चा ग्रँड फिनाले (Sur Nava Dhyas Nava Grand Finale)
'सूर नवा ध्यास नवा- आवाज तरुणाईचा' या कार्यक्रमाचा ग्रँड फिनाले 31 डिसेंबरला संध्याकाळी सात वाजता होणार आहे. या ग्रँड फिनालेला माधुरी दीक्षित, नाना पाटेकर आणि मकरंद अनासपुरे हे कलाकार उपस्थित राहणार आहेत. आता 'सूर नवा ध्यास नवा- आवाज तरुणाईचा' या कार्यक्रमाचा विजेता कोण ठरणार? याकडे अनेकांचे लक्ष लागले आहे.
- 'सूर नवा ध्यास नवा'चा ग्रँड फिनाले
- कधी होणार? 31 डिसेंबर
- किती वाजता? संध्याकाळी 7 वाजता
- कुठे पाहता येईल? कलर्स मराठी
बिग बॉसमध्ये कलाकारांचा हटके अंदाज (Bigg Boss 17)
बिग बॉस-17 मधील कलाकार देखील हटके पद्धतीनं थर्टी फर्स्ट साजरा करणार आहेत. बिग बॉसमध्ये मीका सिंह, अरबाज खान, सोहेल खान, कृष्णा अभिषेक आणि धर्मेंद्र हे सर्वजण अॅनिमलमधील Jamal Kudu या गाण्यावर डान्स करणार आहेत. तसेच बिग बॉसच्या मंचावर या कलाकारांचा हटके अंदाज प्रेक्षकांना बघायला मिळणार आहे.
- बिग बॉस-17
- कधी आणि कुठे पाहणार?- कलर्स टीव्ही
- किती वाजता?- रात्री 9:30
संबंधित बातम्या: