Me Honar Superstar Chhote Ustaad 2: श्रेयाचा मंत्रमुग्ध करणारा परफॉर्मन्स; 'मी होणार सुपरस्टार-छोटे उस्ताद 2'चा प्रोमो व्हायरल

नुकताच 'मी होणार सुपरस्टार-छोटे उस्ताद-2' या शोचा (Me Honar Superstar Chhote Ustaad-2) एक प्रोमो सोशल मीडियावर व्हायरल झाला आहे.

Me Honar Superstar Chhote Ustaad 2

Me Honar Superstar Chhote Ustaad 2: छोट्या पडद्यावरील  'मी होणार सुपरस्टार-छोटे उस्ताद' (Me Honar Superstar Chhote Ustaad-2) या कार्यक्रमाचा दुसरा सिझन लवकरच प्रेक्षकांच्या भेटीस येणार आहे. या सिझनचे परीक्षण सचिन पिळगावकर (Sachin Pilgaonkar), आदर्श शिंदे (Adarsh Shinde) आणि वैशाली सामंत (Vaishali Samant) हे करणार आहेत. नुकताच 'मी होणार सुपरस्टार-छोटे उस्ताद-2' या शोचा एक प्रोमो सोशल मीडियावर व्हायरल झाला आहे. या प्रोमोमध्ये श्रेया गाढवे ही परफॉर्म करताना दिसत आहे.

'मी होणार सुपरस्टार-छोटे उस्ताद-2' च्या प्रोमोमध्ये दिसत आहे की, श्रेयाचा परफॉर्मन्स पाहिल्यानंतर सचिन पिळगावकर आणि आदर्श शिंदे हे स्टँडिंग ओव्हेशन देतात. ते पाहून श्रेयाच्या नातेवाईकांच्या डोळ्यात पाणी येतं. यावर सचिन पिळगावकर  म्हणतात, ' तुमच्या डोळ्यात अश्रू आहेत, पण श्रेयाच्या चेहऱ्यावर जे हसू आहे, तेच तुम्हाला सर्व काही देऊन जाईल.' हा प्रोमो पाहिल्यानंतर प्रेक्षक 'मी होणार सुपरस्टार-छोटे उस्ताद-2'  मध्ये श्रेयाचा परफॉर्मन्स पाहण्यास उत्सुक आहेत. 

पाहा प्रोमो:

 

 

 

 

 

View this post on Instagram

 

 

 

 

 

 

 

 

 

 

 

A post shared by Star Pravah (@star_pravah)

'मी होणार सुपरस्टार-छोटे उस्ताद 2' (Me Honar Superstar Chhote Ustaad-2) हा कार्यक्रम 10 जूनपासून प्रेक्षकांच्या भेटीस येणार आहे. अभिनेत्री वैदेही परशुरामी ही या कार्यक्रमाचे सूत्रसंचालन करणार आहे, असं म्हटलं जात आहे. आता 'मी होणार सुपरस्टार-छोटे उस्ताद 2'  या कार्यक्रमात कोण-कोणते स्पर्धक सहभागी होणार आहेत?  या प्रश्नाचं उत्तर लवकरच प्रेक्षकांना मिळणार आहे. 

हा कार्यक्रम शनिवार ते रविवार रात्री 9 वाजता प्रेक्षक पाहू शकणार आहेत. 'मी होणार सुपरस्टार-छोटे उस्ताद' या कार्यक्रमाची विजेती शुद्धी कदम (Shuddhi Kadam) ही ठरली होती. या कार्यक्रमात राजयोग धुरी, सार्थक शिंदे, सिद्धांत मोदी, राधिका पवार आणि सायली ठक या स्पर्धकांनी सहभाग घेतला होता. या स्पर्धकांच्या गाण्यांना प्रेक्षकांची पसंती मिळाली होती. या कार्यक्रमात विविध कलाकारांनी हजेरी लावली होती. आता 'मी होणार सुपरस्टार-छोटे उस्ताद 2' (Me Honar Superstar Chhote Ustaad-2) ची प्रेक्षक उत्सुकतेने वाट बघत आहेत.

इतर महत्वाच्या बातम्या: