Marathi Serial Updates : 'देवयानी' मालिकेतील आणखी एका कलाकाराचे प्रवाहवर कमबॅक, 'या' मालिकेत होणार एन्ट्री
Marathi Serial Updates Star Pravah : सध्या छोट्या पडद्यावर टीआरपीमध्ये आघाडीवर असलेल्या स्टार प्रवाहवरील मालिकांमध्ये ट्वीस्ट येत आहेत. आता स्टार प्रवाहवर लोकप्रिय ठरलेल्या 'देवयानी' या मालिकेतील आणखी एका कलाकाराचे स्टार प्रवाहवर कमबॅक होत आहे.
Marathi Serial Updates : छोट्या पडद्यावर सध्या काही नवीन मालिका आल्या आहेत. तर काही नवीन मालिका सुरू होणार आहेत. टीआरपीसाठी ही स्पर्धा सुरू असताना दुसरीकडे प्रेक्षकांना खिळवण्यासाठी सध्या प्रसारीत होणाऱ्या मालिकांमध्ये नवा ट्वीस्ट आणला जात आहे. सध्या छोट्या पडद्यावर टीआरपीमध्ये आघाडीवर असलेल्या स्टार प्रवाहवरील मालिकांमध्ये ट्वीस्ट येत आहेत. आता स्टार प्रवाहवर लोकप्रिय ठरलेल्या 'देवयानी' या मालिकेतील आणखी एका कलाकाराचे स्टार प्रवाहवर कमबॅक होत आहे. 'देवयानी' आणि 'गोठ' या मालिकेत महत्त्वाची भूमिका साकारणारा माधव देवचके (Madhav Deochake) आता 'अबोली' (Aboli Serial) मालिकेत झळकणार आहे.
मालिकेत नवा ट्वीस्ट
स्टार प्रवाहवरील अबोली मालिकेचं कथानक अतिशय उत्कंठावर्धक वळणावर येऊन पोहोचलं आहे. अन्यायाविरोधात आवाज उठवत न्याय मिळवून देण्याचा अबोलीने घेतलेला वसा अनेकांसाठी आशेचा किरण ठरत आहे. नवनव्या केसचा छडा लावत असतानाच आता अबोलीच्या वैयक्तिक आणि व्यावसायिक आयुष्यात नव्या पात्राची एण्ट्री होणार आहे. श्रेयस सुमन मराठे या नव्या व्यक्तीची एन्ट्री होणार आहे. सुप्रसिद्ध अभिनेता माधव देवचके श्रेयस सुमन मराठे हे पात्र साकारणार आहे. अबोलीच्या विरोधात श्रेयस केस लढणार आहे. या नव्या आव्हानाचा अबोली आणि अंकुश कसा सामना करणार हे पाहाणं उत्सुकतेचं असेल.
कशी आहे श्रेयस मराठेची व्यक्तीरेखा?
सुप्रसिद्ध अभिनेता माधव देवचके जवळपास 6 वर्षांनंतर स्टार प्रवाहच्या मालिकेत दिसणार आहे. याआधी 'देवयानी' आणि 'गोठ' या मालिकेत माधवने लक्षवेधी भूमिका साकारली होती. श्रेयस सुमन मराठे ही व्यक्तिरेखा देखिल हटके असणार आहे. श्रेयसचं आपल्या आईवर प्रचंड प्रेम होते. त्यामुळे नावासोबतच तो आईचही नाव लावतो. अतिशय हुशार, यशस्वी आणि हवी असणारी गोष्ट मिळवण्यासाठी वाट्टेल ते करणारा श्रेयस अबोली-अंकुशच्या आयुष्यात नेमकी कोणती उलथापालथ घडवणार हे अबोली या मालिकेत दिसणार आहे. अबोली ही मालिका रात्री 10.30 वाजता स्टार प्रवाह वाहिनीवर प्रसारीत होते.
शिवानी सुर्वेचंही कमबॅक
स्टार प्रवाह वाहिनीवर 'थोडं तुझं आणि थोडं माझं' ही मालिका प्रेक्षकांच्या भेटीला येणार आहे. या मालिकेतून शिवानी सुर्वे स्टार प्रवाहवर तब्बल 9 वर्षांनी कमबॅक करत आहे. त्याशिवाय, अभिनेता समीर परांजपे हा देखील आठ वर्षांनी स्टार प्रवाहवर कमबॅक करत आहे. समीर परांजपे हा 'गोठ' मालिकेत झळकला होता.
इतर महत्त्वाची बातमी :
महत्त्वाच्या बातम्या
ट्रेंडिंग न्यूज
