Man Udu Udu Zhala : सानिकाच्या स्वार्थीपणाची किंमत देशपांडे सरांना मोजावी लागणार?

Man Udu Udu Zhala : 'मन उडू उडू झालं' मालिकेत सानिकाचा स्वार्थीपणा देशपांडे सरांच्या जीवावर बेतणार आहे.

Written By : एबीपी माझा वेब टीम | Edited By: मंजिरी पोखरकर | Updated at : 23 Mar 2022 03:56 PM (IST)

Man_Udu_Udu_Zhala

Man Udu Udu Zhala : 'मन उडू उडू झालं' (Man Udu Udu Zhala) ही मालिका सध्या लोकप्रियतेच्या शिखरावर आहे. मालिकेत सानिकाने पळून जाऊन लग्न केल्याने तसेच ती लवकरच आई होणार असल्याने समाज देशपांडे सरांना अनेक प्रश्न विचारतो आहे. या सगळ्याचा परिणाम देशपांडे सरांच्या तब्येतीवर होत आहे.

देशपांडे सरांची प्रकृती खालावल्याने दीपू इंद्राला घरी बोलवते. त्यानंतर इंद्रा देशपांडे सरांना रुग्णालयात घेऊन जातो. अशाप्रकारे इंद्रा दीपूच्या मदतीला धाऊन जाणार आहे. प्रोमोमध्ये दीपूची आई सानिकाला म्हणते, देशपांडे सरांना काही झालं तर मी तुला सोडणार नाही. या सगळ्या प्रकरणामुळे सानिका घाबरते.

View this post on Instagram

A post shared by ZeeMarathi (@zeemarathiofficial)

देशपांडे सरांची प्रकृती खालावल्यानंतर सानिका देशपांडे सर आणि कुटुंबियांना आई होणार नसल्याचे सत्य सांगणार का? याकडे प्रेक्षकांचे लक्ष लागले आहे. 'मन उडू उडू झालं' मालिकेत हृता दुर्गुळे (Hruta Durgule) दिपूची भूमिका साकारत आहे. तर अजिंक्य राऊत (Ajinkya Raut) इंद्राचे पात्र साकारत आहे. इंद्रा आणि दिपूची जोडी प्रेक्षकांच्या पसंतीस पडत आहे.

संबंधित बातम्या