Maharashtrachi Hasyajatra: 'महाराष्ट्राची हास्यजत्रा' (Maharashtrachi Hasyajatra) या छोट्या पडद्यावरील कार्यक्रमाला प्रेक्षकांची पसंती मिळत आहे. या शोमधील कलाकार आपल्या विनोदी शैलीनं प्रेक्षकांना खळखळून हसवतात. महाराष्ट्राची हास्यजत्रा या कार्यक्रमातील एका अभिनेत्यानं नुकतीच एक खास पोस्ट सोशल मीडियावर (Social Media) शेअर केली आहे. या पोस्टच्या माध्यमातून या अभिनेत्यानं त्याच्या नव्या कारची माहिती चाहत्यांना दिली आहे.
महाराष्ट्राची हास्यजत्रा या कार्यक्रमातील प्रसिद्ध अभिनेता ओंकार राऊतनं (Onkar Raut) एक नवी कार घेतली आहे. या कारबाबत ओंकारनं सोशल मीडियावर एक पोस्ट शेअर केली. या पोस्टमध्ये त्यानं लिहिलं, '24/04/2023 ला नवी baleno घरी आली. अक्षयतृतीयेला गाडी घेता आली नाही पण योगायोगाने सचिन तेंडुलकरच्या वाढदिवसा ला ती घरी आली! (साडे तीन मुहूर्तांपैकी नसला तरी हा ही देवाचाच दिवस! ) सचिन च्या average एवढा, तिचं mileage असावं! सचिन च्या runs एवढे, तिचे kilometers व्हावे! सचिनच्या straight drive एवढी smooth तिची drive असावी! Welcome Home Baleno!!!'
ओंकार राऊतनं शेअर केलेल्या या नव्या कारच्या फोटोला कमेंट्स करुन अनेक सेलिब्रिटी आणि नेटकऱ्यांनी ओंकारला शुभेच्छा दिल्या आहेत. प्रथमेश परब, प्रसाद ओक, प्रियदर्शिनी इंदलकर यांनी फोटोला कमेंट करुन ओंकारला शुभेच्छा दिल्या.
ओंकार राऊत हा सोशल मीडियावर विविध पोस्ट शेअर करत असतो. त्याला इन्स्टाग्रामवर 52.6K एवढे फॉलोवर्स आहे. 'महाराष्ट्राची हास्यजत्रा' (Maharashtrachi Hasyajatra) या कार्यक्रमाच्या सेटवरील फोटो आणि व्हिडीओ तो सोशल मीडियावर शेअर करतो. त्याच्या सोशल मीडियावरील पोस्टला नेटकऱ्यांची पसंती मिळत असते.
'महाराष्ट्राची हास्यजत्रा' (Maharashtrachi Hasyajatra) या कार्यक्रमातील समीर चौघुले , विशाखा सुभेदार, नम्रता संभेराव, दत्तू मोरे, गौरव मोरे, प्रसाद खांडेकर आणि वनिता खरात या कलाकारांच्या अभिनयाला प्रेक्षकांची पसंती मिळाली. या शोचे सूत्रसंचालन अभिनेत्री प्राजक्ता माळी करते. अभिनेत्री सई ताम्हणकर आणि अभिनेता प्रसाद ओक हे या शोचे परीक्षक आहेत.
महत्त्वाच्या इतर बातम्या :