Marathi Actress: 'या' मराठमोळ्या अभिनेत्रींनी हिंदी मालिकांमध्ये केलं काम; अभिनयानं जिंकली प्रेक्षकांची मने
जाणून घेऊयात अशा अभिनेत्रींबद्दल ज्यांनी मराठी मालिकांसोबत हिंदी मालिकांमध्ये देखील काम केलं...
Marathi Actress: विविष विषयांवर आधारित असणाऱ्या छोट्या पडद्यावरील मालिकांना प्रेक्षकांची पसंती मिळते. या मालिकांच्या पुढच्या एपिसोडमध्ये नेमकं काय घडणार? हे पाहण्यासाठी प्रेक्षक उत्सुक असतात. मराठी आणि हिंदी मालिकांचा प्रेक्षक वर्ग मोठा आहे. काही मराठी कलाकार हे हिंदी मालिकांमध्ये देखील काम करतात. जाणून घेऊयात अशा अभिनेत्रींबद्दल ज्यांनी मराठी मालिकांसोबत हिंदी मालिकांमध्ये देखील काम केलं...
उषा नाडकर्णी (Usha Nadkarni)
उषा नाडकर्णी यांनी मराठी मालिकांसोबतच हिंदी मालिकांमध्ये देखील काम केलं आहे. घाडगे अँड सून, असे हे सुंदर आमचे घर ,खुलता कळी खुलेना या मालिकांमध्ये उषा यांनी काम केलं आहे. तसेच पवित्र रिश्ता, मधुबाला - एक इश्क जुनून या हिट हिंदी मालिकांमध्ये देखील उषा यांनी महत्वाची भूमिका साकारली.
View this post on Instagram
मृणाल कुलकर्णी (Mrinal Kulkarni)
मराठी चित्रपटसृष्टीतील प्रसिद्ध अभिनेत्री मृणाल कुलकर्णी या त्यांच्या अभिनयानं प्रेक्षकांची मनं जिंकतात. सोनपरी या हिंदी मालिकेमुळे मृणाल यांनी विशेष लोकप्रियता मिळाली. मृणाल यांच्या अवंतिका, स्वामी या मराठी मालिकांना प्रेक्षकांची विशेष पसंती मिळाली.
View this post on Instagram
किशोरी शहाणे (Kishori Shahane)
मराठी मनोरंजनसृष्टीतील प्रसिद्ध अभिनेत्री किशोरी शहाणे या गुम है किसी के प्यार में या हिंदी मालिकेमधून सध्या प्रेक्षकांच्या भेटीस येत आहेत. किशोरी यांनी जाडूबाई जोरात या मराठी मालिकेत देखील काम केलं आहे.
View this post on Instagram
मेघा धाडे (Megha Dhade)
कसौटी जिंदगी की, कस्तूरी या हिंदी मालिकांमध्ये मेघा धाडेनं काम केलं आहे. मेघा मराठी बिग बॉसच्या पहिल्या सिझनची विजेती ठरली.
संबंधित बातम्या
महत्त्वाच्या बातम्या
