Kiran Mane: "आडनाव घेऊन डिंग्या मारतोयस? कर्मचार्‍यांवर कसला माज दाखवतो तू?? मापात रहा"; किरण मानेंकडून पुष्कर जोगला थेट आव्हान
Kiran Mane: पुष्करच्या पोस्टवर किरण माने (Kiran Mane) यांनी प्रतिक्रिया दिली आहे. किरण माने यांनी पुष्करला ओपन चॅलेंज दिलं आहे.
Kiran Mane: अभिनेता पुष्कर जोगनं(Pushkar Jog) काही दिवसांपूर्वी सोशल मीडियावर एका सर्व्हेबाबत पोस्ट शेअर केली. या पोस्टमध्ये पुष्करनं लिहिलं की, बीएमसीचे काही कर्मचारी त्याच्या घरी आले होते आणि सर्व्हे करतोय म्हणून माझी जात विचारत होते. पुष्करनं पोस्टमध्ये असंही लिहिलं की, "त्या कर्मचारी जर बाई माणूस नसत्या, तर 2 लाथा नक्कीच मारल्या असत्या". पुष्करच्या या पोस्टची चर्चा सोशल मीडियावर झाली. अशताच आता पुष्करच्या पोस्टवर किरण माने (Kiran Mane) यांनी प्रतिक्रिया दिली आहे . किरण माने यांनी पुष्करला ओपन चॅलेंज दिलं आहे.
किरण माने यांची पोस्ट
किरण माने यांनी फेसबुरवर शेअर केलेल्या पोस्टमध्ये लिहिलं, "आमच्या मनोरंजन क्षेत्रातल्या वर्चस्ववाद्यांना हल्ली उन्माद चढलाय.'आमचीच सत्ता' हा पोकळ माज आलाय" मी परवाच 'अजब गजब' या युट्यूब चॅनलला दिलेल्या मुलाखतीत बोललो. दुसर्‍याच दिवशी पुष्कर जोग नावाच्या, सिनेमात वगैरे काम करणार्‍यानं विधान केलं, "जातगणना करायला आलेली बाई नसती तर मी दोन लाथा घातल्या असत्या." अरे भावा, ते सरकारनं दिलेल्या आदेशामुळे तुझ्या घरी आलेले साधे कर्मचारी होते रे ते. त्यांना हौस नाही तुमचे उंबरठे झिजवायचे."
किरण मानेंनी पुष्करला दिलं खुलं आव्हान
पुढे किरण माने यांनी पोस्टमध्ये लिहिलं, "तुला लाथाच घालायच्यात ना? लय राग आलाय का तुला जात विचारल्याचा? मी तुला चॅलेंज देतो- ज्याने हा जातगणनेचा आदेश सोडलाय त्या नेत्याला लाथा घाल. चल. खुलं आव्हान आहे माझं. तू जर त्या जातगणनेचा आदेश देणार्‍या सत्ताधारी नेत्याला लाथा नाही घातल्यास तर तू त्या कर्मचार्‍याकडून चार लाथा खायच्या. बोल. आहे दम तुझ्या पार्श्वभागात? अरे या नेत्यांचे पाय चाटणारी जमात तुमची. आडनाव घेऊन डिंग्या मारतोयस? काय घंटा इतिहास आहे तुमच्या आडनावाचा? असला तरी काय खुट्ट्याला बांधायचाय? आपलं काम इमानेइतबारे करणार्‍या कर्मचार्‍यांवर कसला माज दाखवतो तू? हे कर्मचारी जर आपली नोकरी बाजूला ठेवुन तुझ्यासमोर आले ना, तर एका दणक्यात तुझं वाकडं शेपूट सरळ करतील. नाद करू नको गरीबांचा. बुद्धी जागेवर ठेवून बोलत जा. मराठ्यांच्या आणि ओबीसींच्या लढ्यात तू तुझ्या द्वेषाची पोळी भाजून घेऊ नकोस. बहुजन शांत आहेत म्हणून मस्तीत विधानं करणं लय महागात पडेल. मापात रहा."
पुष्करची पोस्ट
पुष्करनं काही दिवसांपूर्वी इन्स्टाग्रामवर पोस्ट शेअर केली होती. या पोस्टमध्ये त्यानं लिहिलं होतं, 'काल बीएमसीचे काही कर्मचारी माझ्या घरी आले आणि मला सर्व्हे करतोय म्हणून माझी जात विचारत होते. त्या कर्मचारी जर बाई माणूस नसत्या, तर 2 लाथा नक्कीच मारल्या असत्या.कृपया करुन मला हा प्रश्न पुन्हा विचारू नका नाहीतर जोग बोलणार नाहीत डायरेक्ट कानाखाली मारतील. #जोगबोलणार'
वाचा इतर महत्वाच्या बातम्या:
Pushkar Jog: "तर मी दोन लाथा मारल्या असत्या", सर्व्हेत जात विचारल्याने पुष्कर जोग भडकला!
महत्त्वाच्या बातम्या
