Khupte Tithe Gupte : 'जय महाराष्ट्र उद्धवजी, नारायण राणे बोलतोय'; ‘खुपते तिथे गुप्ते’ मध्ये नारायण राणे हे उद्धव ठाकरेंना करणार फोन, प्रोमोनं वेधलं लक्ष

खुप्ते तिथे गुप्ते  या कार्यक्रमाचा एक प्रोमो सोशल मीडियावर व्हायरल झाला आहे. या प्रोमोमध्ये नारायण राणे (Narayan Rane) हे विविध विषयांवर चर्चा करताना दिसत आहेत. 

Khupte Tithe Gupte, Narayan Rane

Khupte Tithe Gupte : गायक आणि संगीतकार अवधूत गुप्तेचा (Avadhoot Gupte)  ‘खुपते तिथे गुप्ते’ (Khupte Tithe Gupte) हा कार्यक्रम गेल्या काही दिवसांपासून चर्चेत आहे.  'खुपते तिथे गुप्ते' या कार्यक्रमात कला, राजकारण अशा विविध क्षेत्रातील लोक हजेरी लावणार आहेत.  या कार्यक्रमाच्या पहिल्या एपिसोडमध्ये  राज ठाकरे (Raj Thackeray)  यांनी हजेली लावली.  आता या कार्यक्रमात नारायण राणे (Narayan Rane) हजेरी लावणार आहेत. नुकताच खुप्ते तिथे गुप्ते  या कार्यक्रमाचा एक प्रोमो सोशल मीडियावर व्हायरल झाला आहे. या प्रोमोमध्ये नारायण राणे हे विविध विषयांवर चर्चा करताना दिसत आहेत. 

खुप्ते तिथे गुप्ते या कार्यक्रमाच्या आगामी एपिसोडच्या प्रोमोमध्ये दिसत आहे की, नारायण राणे यांना संजय राऊत यांचा एक व्हिडीओ दाखवण्यात येतो. या व्हिडीओमध्ये संजय राऊत म्हणतात,  'नारायण राणे हे विचार न करता फक्त पोपटासारखं बोलत असतात' यावर नारायण राणे हे प्रतिक्रिया देतात. ते म्हणतात, 'याला खासदार मी केला. नाही तर झालाच नसता.'  

त्यानंतर खुप्ते तिथे गुप्ते या कार्यक्रमाच्या प्रोमोमध्ये दिसते की, नारायण राणे हे  कार्यक्रमाच्या एका सेगमेंटमध्ये उद्धव ठाकरेंना फोन करतात आणि म्हणतात,  'जय महाराष्ट्र उद्धवजी नारायण राणे बोलतोय'. या प्रोमोला 'खुपणाऱ्या प्रश्नांना तोडीस तोड उत्तर देण्यास येताहेत नारायण राणे.' असं कॅप्शन देण्यात आलं आहे. नारायण राणे हे खुप्ते तिथे गुप्ते या कार्यक्रमामध्ये कोण कोणत्या आठवणी, किस्से सांगणार आहेत? याची प्रेक्षक उत्सुकतेने वाट बघत आहेत. 18 जून (रविवार) रोजी प्रेक्षक हा एपिसोड रात्री , 9 वाजता पाहू शकतात. 

पाहा प्रोमो: 

 

 

 

 

 

View this post on Instagram

 

 

 

 

 

 

 

 

 

 

 

A post shared by Zee Marathi (@zeemarathiofficial)

खुप्ते तिथे गुप्ते या कार्यक्रमाच्या गेल्या एपिसोडमध्ये अभिनेता श्रेयस तळपदेनं (Shreyas Talpade) हजेरी लावली होती. 'खुपते तिथे गुप्ते' या कार्यक्रमात  मुख्यमंत्री एकनाथ शिंदे (Eknath Shinde) देखील लवकरच हजेरी लावणार आहेत, असंही म्हटलं जात आहे. 'खुपते तिथे गुप्ते' या कार्यक्रमाच्या आगामी एपिसोडची प्रेक्षक उत्सुकतेने वाट बघत आहेत. 

महत्त्वाच्या इतर बातम्या :