Khupte Tithe Gupte : धारदार प्रश्नांना संजय राऊत यांची सडेतोड उत्तरं; 'खुप्ते तिथे गुप्ते'च्या प्रोमोनं वेधलं लक्ष
खुप्ते तिथे गुप्ते (Khupte Tithe Gupte) या कार्यक्रमाचा एक प्रोमो सोशल मीडियावर व्हायरल झाला आहे. या प्रोमोमध्ये दिसत आहे की, संजय राऊत (Sanjay Raut) हे नारायण राणे (Narayan Rane) यांच्या वक्तव्यावर प्रतिक्रिया देत आहेत.
Khupte Tithe Gupte : ‘खुपते तिथे गुप्ते’ (Khupte Tithe Gupte) हा कार्यक्रम गेल्या काही दिवसांपासून चर्चेत आहे. गायक अवधूत गुप्ते (Avadhoot Gupte) हा या कार्यक्रमाचे सूत्रसंचालन करतो. विविध क्षेत्रामधील दिग्गज या कार्यक्रमामध्ये हजेरी लावतात. नारायण राणे (Narayan Rane), राज ठाकरे (Raj Thackeray) यांनी या शोमध्ये हजेरी लावली आहेत. आता शिवसेना ठाकरे गटाचे खासदार संजय राऊत (Sanjay Raut) हे या कार्यक्रमामध्ये हजेरी लावणार आहेत. नुकताच खुप्ते तिथे गुप्ते या कार्यक्रमाचा एक प्रोमो सोशल मीडियावर व्हायरल झाला आहे. या प्रोमोमध्ये दिसत आहे की, संजय राऊत हे नारायण राणे यांच्या वक्तव्यावर प्रतिक्रिया देत आहेत.
खुप्ते तिथे गुप्ते या कार्यक्रमाच्या प्रोमोमध्ये दिसत आहे की नारायण राणे यांचा एक व्हिडीओ संजय राऊत यांना दाखवण्यात येतो. या व्हिडीओमध्ये दिसत आहे की, नारायण राणे म्हणतात, "भारतामध्ये इलेक्शन रोलमध्ये नाव नसेल तर लोकप्रतिनिधी होता येत नाही. साहेब मला म्हणाले, नारायण याला खासदार करायचंय आपल्याला, मी फक्त साहेबांनी दिलेला शब्द पूर्ण केला."
नारायण राणे यांचा व्हिडीओ पाहिल्यानंतर संजय राऊत म्हणाले, "हे खोटं बोलत आहेत. मतदार नोंदणी क्रमांक मी दिलेला आहे. या वक्तव्यामुळे त्यांची खासदारकी जाऊ शकते." संजय राऊत हे खुप्ते तिथे गुप्ते या कार्यक्रमाच्या मंचावर आणखी कोणत्या विषयांवर चर्चा करणार? याकडे आता प्रेक्षकांचे लक्ष लागले आहे.
पाहा प्रोमो:
View this post on Instagram
'खुपते तिथे गुप्ते' या कार्यक्रमात कला, राजकारण अशा विविध क्षेत्रातील लोक हजेरी लावणार आहेत. आता या कार्यक्रमाच्या पहिल्या भागात राज ठाकरे यांनी हजेरी लावली होती. आता संजय राऊत हे या कार्यक्रमात अवधूत गुप्तेच्या धारदार प्रश्नांना कशी उत्तरं देतात? हे पाहण्यास प्रेक्षक उत्सुक आहेत. 25 जून 2023 रोजी रविवारी 9 वाजता 'खुपते तिथे गुप्ते' या कार्यक्रमाचा हा एपिसोड प्रेक्षकांना पाहता येणार आहे.
'खुपते तिथे गुप्ते' या कार्यक्रमात मुख्यमंत्री एकनाथ शिंदे (Eknath Shinde) देखील लवकरच हजेरी लावणार आहेत,असंही म्हटलं जात आहे. 'खुपते तिथे गुप्ते' या कार्यक्रमाच्या आगामी एपिसोडची प्रेक्षक उत्सुकतेने वाट बघत आहेत.
संबंधित बातम्या
महत्त्वाच्या बातम्या
