Indian Idol 13 : 'इंडियन आयडॉल 13'चा महाअंतिम सोहळा लवकरच पार पडणार; कोण होणार विजेता?

Indian Idol 13 : 'इंडियन आयडॉल 13' हा कार्यक्रम आता अंतिम टप्प्यात आला असून या पर्वाचा कोण विजेता होणार याची सर्वांना उत्सुकता लागली आहे.

Indian Idol 13

Indian Idol 13 : 'इंडियन आयडॉल 13' (Indian Idol 13) हा कार्यक्रम आता अंतिम टप्प्यात आला आहे. संगीतप्रेमी गेल्या काही दिवसांपासून ज्या दिवसाची आतुरतेने वाट पाहत आहेत तो दिवस आता जवळ आला आहे. लवकरच या बहुचर्चित कार्यक्रमाचा महाअंतिम सोहळा पार पडणार आहे. त्यामुळे आता या पर्वात कोण बाजी मारणार याकडे संगीतप्रेमींच्या नजरा लागल्या आहेत. 

कोण पटकावणार 'इंडियन आयडॉल 13'ची ट्रॉफी?

'इंडियन आयडॉल 13' हा कार्यक्रम शेवटच्या टप्प्यात आला असून आता 'टॉप 6' स्पर्धकांची नावं समोर आली आहेत. सोनाक्षी कर, शिवम सिंह, ऋषी सिंह, चिराग कोटवाल, बिदिपता चक्रवर्ती, देवोस्मिता रॉय या स्पर्धकांचा 'टॉप 6'मध्ये सहभाग आहे. मीडिया रिपोर्टनुसार, अयोध्येचा ऋषी सिंह 'इंडियन आयडॉल 13'ची ट्रॉफी पटकावणार असे म्हटले जात आहे. ऋषी सिंहचा मोठा चाहतावर्ग असून सोशल मीडियाच्या माध्यमातून ते त्याला पाठिंबा देत आहेत. 

'या' दिवशी रंगणार 'इंडियन आयडॉल 13'चा महाअंतिम सोहळा (Indian Idol 13 Finale)

"पुन्हा एकत्र येण्यासाठीचं हे एक निमित्त आहे...आता वातावरण संगीतमय होणार आहे", असं म्हणत 'इंडियन आयडॉल 13' या कार्यक्रमाची सुरुवात झाली. आता संगीतप्रेमींच्या लाडक्या कार्यक्रमाचा महाअंतिम सोहळा येत्या 2 एप्रिलला पार पडणार आहे.

 

 

 

 

 

View this post on Instagram

 

 

 

 

 

 

 

 

 

 

 

A post shared by RISHI SINGH (@rishisinghmusic)

'इंडियन आयडॉल 13'च्या चाहत्यांमध्ये ऋषी सिंहची क्रेझ

अयोध्येचा लोकप्रिय गायक ऋषी सिंह आज देशभरातील संगीतप्रेमींचा लाडका बनला आहे. गेल्या सात महिन्यात त्याच्या लोकप्रियतेत चांगलीच वाढ झाली आहे. त्याने गायलेलं 'मेरा पहला पहला प्यार...' हे रोमॅंटिक गाणं आजही ट्रेडिंगमध्ये आहे. 'इंडियन आयडॉल 13'च्या चाहत्यांमध्ये ऋषी सिंहची चांगलीच क्रेझ पाहायला मिळत आहे. तर दुसरीकडे ऋषीचे चाहतेदेखील त्याला पाठिंबा देत आहेत. माधुरी दीक्षित, विराट कोहलीनेदेखील ऋषीच्या गाण्याचं कौतुक केलं आहे. 

'इंडियन आयडॉल 13' हा कार्यक्रम सुरू झाल्यानंतर नेटकऱ्यांनी या कार्यक्रमाला प्रचंड ट्रोल केलं होतं. नाटकाचं दुकान परत सुरू झालं, स्क्रिप्टेड कार्यक्रम, सगळं फेक आहे, अशा कमेंट्स नेटकऱ्यांनी केल्या होत्या. पण अल्पावधीच हा कार्यक्रम प्रेक्षकांच्या पसंतीस उतरला. या कार्यक्रमात सहभागी झालेल्या स्पर्धकांनी आपल्या गायनाने प्रेक्षकांना वेड लावलं. 

संबंधित बातम्या