'इमली' मालिकेतील करण वोहरा झाला बाबा; लग्नाच्या 11 वर्षानंतर पत्नीनं दिला जुळ्यांना जन्म
करणने (Karan Vohra) सोशल मीडियावर पोस्ट शेअर करुन ही आनंदाची बातमी चाहत्यांना दिली आहे.
Karan Vohra Becomes Father: छोट्या पडद्यावरील 'इमली' (Imli) या मालिकेतील प्रसिद्ध अभिनेता करण वोहराच्या (Karan Vohra) घरी दोन चिमुकल्या पाहुण्यांचे आगमन झालं आहे. करण आणि त्याची पत्नी बेला यांना जुळी मुले झाली आहेत. करणने सोशल मीडियावर पोस्ट शेअर करुन ही आनंदाची बातमी चाहत्यांना दिली आहे.
करणनं सोशल मीडियावर 'इट्स अ ट्वीन बॉइज' असं लिहिलेल्या टीशर्टचा फोटो शेअर केला आहे. या फोटोवर त्यानं ॐ नमः शिवाय असंही लिहिलं आहे. सध्या करणचे चाहते त्याला शुभेच्छा देत आहे.
'इमली' या मालिकेमध्ये करण हा अथर्व ही भूमिका साकारतो. करण आणि बेलाचे लग्न 2012 मध्ये झाले होते. लग्नाच्या तब्बल 11 वर्षानंतर करण आणि बेला हे आई-बाबा झाले आहेत.
करण आणि बेला यांनी काही दिवसांपूर्वी दिल्लीत बेबी शॉवरचे आयोजन केलं होतं. या बेबी शॉवरचे फोटो सोशल मीडियावर व्हायरल झाले बेबी शॉवरसाठी बेलानं पीच कलरचा गाऊन आणि मोकळे केस असा लूक केला होता. बेबी शॉवरचे फोटो करणनं सोशल मीडियावर शेअर केले होते.
View this post on Instagram
करणची पत्नी बेला सध्या दिल्लीमध्ये आहे. नुकत्याच एका मुलाखतीत करणने सांगितले की, मुलांपासून दूर राहणे खूप कठीण आहे. बेलाच्या गरोदरपणात मी तिच्यासोबत राहू शकलो नाही याचं त्याला खूप दुःख आहे. आम्ही दोघे व्हिडिओ कॉलवर बोलत असतो.
View this post on Instagram
मेहक या मालिकेमुळे करणला विशेष लोकप्रियता मिळाली. या शोमध्ये त्याने शौर्या ही भूमिका साकारली होती. मेहक या शोमध्ये अभिनेत्री समिक्षा जैस्वालनं प्रमुख भूमिका साकारली होती.
सौरभ राज जैन, उर्वशी ढोलकिया, किंशुक महाजन आणि करणवीर बोहरा यांना देखील जुळी मुलं आहेत. आता करण आणि त्याची पत्नी बेला यांना जुळी मुलं झाल्यानंतर नेटकरी त्यांना शुभेच्छा देत आहेत.
इतर महत्वाच्या बातम्या:
महत्त्वाच्या बातम्या
