एक्स्प्लोर

Nikki Tamboli : मी तुला पाहू शकत नाही; आकाशाचा फोटो शेअर करत निक्की तांबोळीची भावनिक पोस्ट

बिग बॉस फेम निक्की तांबोळीने (Nikki Tamboli) विमानातून काढलेल्या आकाशाचा फोटो शेअर करत आपल्या भावाला आपण पाहू शकत नाही असं सांगितलं. निक्की तांबोळीच्या भावाचे नुकतंच कोरोनामुळे निधन झालं आहे.

By : एबीपी माझा वेब टीम | Updated at : 08 May 2021 10:22 AM (IST)

nikki_tamboli

मुंबई : बिग बॉस फेम निक्की तांबोळी आता आणखी एका नव्या टास्कसाठी तयार आहे. ती आता 'खतरों के खिलाडी 11' च्या शूटिंगमध्ये भाग घेण्यासाठी केपटाऊनला रवाना झाली आहे. तिच्या भावाचे नुकतंच कोरोनामुळे निधन झालं आहे. त्यावर तिने आकाशाचा एक फोटो शेअर करत 'मी आता तुला पाहू शकत नाही' अशी भावनिक पोस्ट शेअर केली आहे.

निक्की तांबोळीच्या भावाचे 4 मे रोजी अवघ्या 29 व्या वर्षी कोरोनामुळे निधन झाले आहे. त्यामुळे निक्की तांबोळी 'खतरों के खिलाडी 11' च्या शूटिंगसाठी केपटाऊनला जाणार नाही असं सांगण्यात येत होतं.

केपटाऊनला जात असताना निक्की तांबोळीने आकाशाचा एक फोटो शेअर केला. त्यामध्ये ती लिहिते की, मी तुला पाहू शकत नाही. यामध्ये रडण्याचा इमोजीही तिने टाकला आहे.

निक्की तांबोळी आपल्या भावाच्या निधनाने प्रचंड दु:खी असल्याचं सांगितलं जातंय. तिने या आधीच सांगितलं आहे की, आपण खतरों के खिलाडीमध्ये भाग घ्यावा ही तिच्या भावाची इच्छा होती. त्यामुळे आपल्या भावासाठी आणि परिवारासाठी मी या शोमध्ये भाग घेत असल्याचं तिने स्पष्ट केलंय.

निक्की तांबोळीने या शोमध्ये भाग घेण्यापूर्वी एक इन्स्टाग्रामवर पोस्ट शेअर केली होती. ती म्हणते की, "मी आयुष्याच्या अशा वळणावर आहे की एकीकडे माझा परिवार आहे जो या दु:खातून बाहेर पडण्यासाठी संघर्ष करत आहे तर दुसरीकडे मी माझ्या करियरच्या उंचीवर आहे."