Hustle 2.0 : 'मै और मेरी नऊवारी'; तरुणीच्या मराठमोळ्या रॅपनं सोशल मीडियावर घातला धुमाकूळ
हसल 2.0 (Hustle 2.0) या कार्यक्रमामधील एका एपिसोडमध्ये मराठी रॅप सादर करणाऱ्या तरुणीची सध्या सोशल मीडियावर चर्चा सुरु आहे.
Hustle 2.0 : सध्या हसल 2.0 (Hustle 2.0) हा कार्यक्रम प्रेक्षकांच्या भेटीस येत आहे. या कार्यक्रमात विविध तरुण-तरुणी सहभागी होऊन रॅप सादर करतात. या कार्यक्रमाचे परीक्षण प्रसिद्ध रॅपर आणि गायक बादशाह (Baadshah) हा करतो. हा कार्यक्रम प्रेक्षक एम टिव्हीवर पाहू शकतात. या कार्यक्रमामधील एका एपिसोडमध्ये मराठी रॅप सादर करणाऱ्या तरुणीची सध्या सोशल मीडियावर चर्चा सुरु आहे. या तरुणीच्या मराठमोळ्या रॅपनं अनेकांची मनं जिंकली आहेत.
आर्या जाधव (Aarya Jadhao) या तरुणीनं हसल 2.0 या कार्यक्रमात मराठी रॅप सादर केला. या रॅपच्या ओळींनी अनेकांचे लक्ष वेधले. 'मै और मेरी नऊवारी' अशा या रॅपच्या ओळी आहेत. आर्याच्या या रॅपनं परीक्षक आणि तिथे उपस्थित असलेल्या काही रॅपर्सची मनं जिंकली. आर्याचा रॅप ऐकल्यानंतर दीपा उन्नीकृष्णन या रॅपरनं कौतुक केलं. आर्या ही अमरावतीची आहे. तिच्या रॅपमधून तिनं महाराष्ट्राची संस्कृती मांडली. रॅपर बादशाहनं आर्यानं रॅपमध्ये वापरलेल्या शब्दांचे भरभरुन कौतुक केले. आर्याचा रॅप ऐकून बादशाह म्हणाला, 'हा रॅप रेडिओ रेडी आहे. आर्यानं रॅपमध्ये केलेला शब्दांचा वापर अतिशय चांगला आहे. ' हसलच्या एपिसोडमधील रॅपचा व्हिडीओ आर्यानं शेअर केला आहे. या व्हिडीओमध्ये आर्या नाकात नथ, नऊवारी अन् चंद्रकोर अशा लुकमध्ये दिसत आहे. आर्यानं शेअर केलेल्या व्हिडीओला अनेकांनी कमेंट करुन तिच्या लुकचं कौतुक केलं आहे.
पाहा व्हिडीओ:
View this post on Instagram
हसल 2.0 हा कार्यक्रम एम. टिव्हीबरोबरच वूट या अॅपवर देखील प्रेक्षक पाहू शकतात. बादशाहसोबतच EPR, King, Dino James आणि Dee MC हे रॅपर्ससुद्धा या कार्यक्रमाचं परीक्षण करतात.या कार्यक्रमाच्या नव्या एपिसोडची प्रेक्षक उत्सुकतेने वाट बघत असतात. हसल कार्यक्रमाचा सध्या दुसरा सिझन प्रेक्षकांच्या भेटीस येत आहे. या कार्यक्रमाच्या पहिल्या सिझनला देखील प्रेक्षकांची पसंती मिळाली होती. कार्यक्रमाच्या पहिल्या सिझनचं परीक्षण रफ्तार आणि राजाकुमारी हे रॅपर्स करत होते.
वाचा इतर महत्त्वाच्या बातम्या :
महत्त्वाच्या बातम्या
