एक्स्प्लोर

Marathi Serial Update : केदार शिंदेंचा पुढचा डाव, कलर्सवर सुरु होणार आणखी एक नवी मालिका; 'अबीर गुलाल' मालिकेचा प्रोमो शेअर

Marathi Serial : कलर्स मराठी वाहिनीवरील पुन्हा एक नवी मालिका सुरु होणार आहे. या मालिकेचा एक नवा प्रोमो नुकताच शेअर करण्यात आला आहे.

By : जयदीप मेढे | Updated at : 26 Apr 2024 07:34 AM (IST)

Marathi Serial

Marathi Serial : टीआरपीच्या शर्यातीत कायम राहण्यासाठी केदार शिंदेंकडून (Kedar Shinde) नव्या मालिकांचं सत्र सुरु झालं आहे. सुख कळले, अबीर गुलाल, हसाताय ना? हसायलाच पाहिजे या मालिकांनंतर आता नवी मालिका कलर्सवर सुरु होणार आहे. अबीर गुलाल असं या मालिकेचं नाव आहे. या मालिकेचा पहिला प्रोमो नुकताच वाहिनीकडून शेअर करण्यात आलाय.

या मालिकेत आता कोणती स्टारकास्ट दिसणार याकडे सर्वांचं लक्ष लागून राहिलं आहे. त्याचप्रमाणे ही गोष्ट नेमकी काय असणार याची देखील अनेकांना उत्सुकता लागून राहिलीये. त्यामुळे आता ही नवी मालिका कोणत्या वेळेत भेटायला येणार हे पाहावं लागेल. कोणते कलाकार या मालिकेत मुख्य भूमिकेत दिसणार हे देखील काही दिवसांत स्पष्ट होईल.

मालिकेच्या प्रोमोमध्ये काय?

अबीर गुलाल या मालिकेच्या प्रोमोमध्ये पाळण्यात दोन लहान बाळं दिसत आहे. त्यामधील एक शांत झोपलंय, तर दुसरं हे रडत आहे. पण दोन स्त्रिया येऊन त्या बाळांची आदलाबदली करतात. दोन मुलींची नशीबं एका रात्रीत बदलली होती कोणी आणि का? असा सवाल शेवटी या प्रोमोमध्ये करण्यात आलाय. त्याचप्रमाणे या प्रोमोला, 'दोन अनोळखी मुलींचं नशीब बदलणारी ती रात्र' असं कॅप्शन देण्यात आलं आहे.

कोणती मालिका घेणार प्रेक्षकांचा निरोप?

कलर्स मराठीवरील आता जुन्या मालिका प्रेक्षकांचा निरोप घेत आहेत. स्पृहा जोशीच्या सुख कळले या मालिकेसाठी दोन वर्षांनंतर भाग्य दिले तू मला या मालिकेने निरोप घेतला. त्यामुळे आता या मालिकेसाठी कोणती नवी मालिका प्रेक्षकांचा निरोप घेणार हे पाहणं महत्त्वाचं ठरेल.

'सुख कळले' मालिका प्रेक्षकांच्या भेटीला

काही दिवसांपूर्वी कलर्स मराठीने आपल्या दुसऱ्या नव्या मालिकेची घोषणा केली आहे. 'सुख कळले' (Sukh Kalale) ही मालिका प्रेक्षकांच्या भेटीला आली. या मालिकेत स्पृहा जोशी (Spruha Joshi) आणि सागर देशमुख (Sagar Deshmukh) मुख्य भूमिकेत पाहायला मिळत आहेत. 22 एप्रिलपासून ही मालिका सुरु झाली आहे.