Chala Hawa Yeu Dya : 'चला हवा येऊ द्या' कार्यक्रमातून स्वप्निल जोशीची एक्झिट; काय आहे कारण?
Swapnil Joshi : 'चला हवा येऊ द्या' या लोकप्रिय कार्यक्रमातून स्वप्निल जोशीने एक्झिट घेतली आहे.
Swapnil Joshi On Chala Hawa Yeu Dya : 'चला हवा येऊ द्या' (Chala Hawa Yeu Dya) हा छोट्या पडद्यावरील लोकप्रिय कार्यक्रम आहे. पण गेल्या काही दिवसांपासून हा कार्यक्रम टीआरपीच्या शर्यतीत मागे पडला आहे. अशातच आता स्वप्निल जोशीने (Swapnil Joshi) 'चला हवा येऊ द्या' या कार्यक्रमातून एक्झिट घेतल्याची माहिती समोर आली आहे.
'चला हवा येऊ द्या' हा कार्यक्रम प्रेक्षकांना खळखळून हसवण्याचं काम गेल्या काही वर्षांपासून करत आहे. या कार्यक्रमामुळे प्रेक्षकांना मनोरंजनाची मेजवानी मिळाली आहे. कार्यक्रमातील कलाकारांसह या कार्यक्रमाचादेखील मोठा चाहतावर्ग आहे.
भाऊ कदम, श्रेया बुगडे, निलेश साबळे, कुशल बद्रिके, भारत गणेशपुरे, सागर कारंडे हे कलाकार या कार्यक्रमाच्या माध्यमातून घराघरांत पोहोचले आहेत. या कार्यक्रमाचं परिक्षण स्वप्निल जोशी गेल्या काही दिवसांपासून करत आहे. पण आता त्याने या कार्यक्रमाला रामराम ठोकला आहे.
View this post on Instagram
स्वप्निल जोशीने 'चला हवा येऊ द्या' का सोडलं?
स्वप्निल जोशीने 'चला हवा येऊ द्या' या कार्यक्रमाला राम राम ठोकल्याने त्याचे चाहते नाराज झाले आहेत. या कार्यक्रमामुळे स्वप्निलला इतर कामं घेता येत नव्हती. त्यामुळे आता ती कामं करण्यासाठी स्वप्निल जोशीने 'चला हवा येऊ द्या' या कार्यक्रमातून निरोप घेतला आहे.
स्वप्निल जोशीच्या 'चला हवा येऊ द्या' या कार्यक्रमातील एन्ट्रीमुळे त्याचे चाहते आनंदी झाले होते. तो सोशल मीडियाच्या माध्यमातून चाहत्यांच्या संपर्कात राहण्याचा प्रयत्न करत असतो. अनेक मालिका, सिनेमांच्या माध्यमातून स्वप्निल प्रेक्षकांच्या भेटीला आला आहे. त्यामुळे आता त्याचा पुढचा प्रोजेक्ट नक्की काय असेल याची चाहत्यांना उत्सुकता लागली आहे.
महत्त्वाच्या बातम्या
ट्रेंडिंग न्यूज
