Bigg Boss Season 4 Marathi 2023 live updates : 'बिग बॉस मराठी 4'च्या महाअंतिम सोहळ्याला सुरुवात; जाणून घ्या बिग बॉस संबंधित सर्व अपडेट्स एका क्लिकवर!
Entertainment Live : मनोरंजन विश्वात सध्या काय नवं घडतंय, याची देखील सर्वांनाच उत्सुकता असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
Bigg Boss Marathi 4 : Bigg Boss Marathi 4 : 'बिग बॉस मराठी 4'च्या घरातून मास्टर माइंड किरण माने बाहेर पडला आहे. आता अपूर्वा नेमळेकर आणि अक्षय केळकर या दोन स्पर्धकांमध्ये अटीतटीची लढत पाहायला मिळत आहे.
Bigg Boss Marathi 4 : Bigg Boss Marathi 4 : 'बिग बॉस मराठी 4'च्या घरातून मास्टर माइंड किरण माने बाहेर पडला आहे. आता अपूर्वा नेमळेकर आणि अक्षय केळकर या दोन स्पर्धकांमध्ये अटीतटीची लढत पाहायला मिळत आहे.
Bigg Boss Marathi 4 : 'बिग बॉस मराठी'च्या चौथ्या पर्वातील 'Top 4' स्पर्धकांमधून कोल्हापूरची तिखट मिरची अमृता धोंगडे (Amruta Dhongade) बाद झाली आहे.
Bigg Boss Marathi 4 : Grand Finale मध्ये मेघा घाडगेचा "काटा किर्रर्र" गाण्यावरचा थरारक डान्स प्रेक्षकांच्या पसंतीस उतरला आहे.
Bigg Boss Marathi 4 : Entertainment Queen राखी सावंतने 9 लाखांची रक्कम स्वीकारून ट्रॉफीच्या रेसमधून पडली बाहेर!
Bigg Boss Marathi 4 : 'बिग बॉस मराठी 4'च्या ग्रॅंड फिनालेतनं राखी सावंत बाहेर पडली आहे. राखीने शेवटच्या क्षणी 9 लाख घेत बिग बॉसच्या घराचा निरोप घेतला आहे.
Bigg Boss Marathi 4 : सातारचे बच्चन किरण माने यांचा "मैं हूं डॉन" गाण्यावरील परफॉर्मन्स पाहून, तुम्हाला शिट्टी वाजवण्याचा मोह आवरता येणार नाही.
Bigg Boss Marathi 4 : "नदियों पार" गाण्यावर Bold & Beautiful राखी सावंतने डान्स केला आहे.
Bigg Boss marathi 4 : 'बिग बॉस मराठी 4'च्या Top 5 Finalists ने महाअंतिम सोहळ्यात धमाल डान्स केला आहे.
Bigg Boss Marathi 4 : Top 5 मधील स्पर्धकांना पडणार का 9 लाखांची भुरळ? असा प्रश्न चाहत्यांना पडला आहे.
Bigg Boss Season 4 : 'बिग बॉस मराठी 4'च्या महाअंतिम सोहळ्याला दणक्यात सुरुवात झाली आहे.
Bigg Boss Marathi 4 : 'बिग बॉस मराठी'च्या महाअंतिम सोहळ्याला थोड्याच वेळात सुरुवात होणार आहे. यंदाच्या पर्वात कोण बाजी मारणार याकडे चाहत्यांचं लक्ष लागलं आहे.
Bigg Boss Marathi 4 : 'बिग बॉस मराठी सीझन 4' चा महाअंतिम सोहळा सुरु व्हायला अवघा एक तास बाकी आहे. बिग बॉसच्या चौथ्या पर्वाचा विजेता कोण होणार याबाबत प्रेक्षकांमध्ये प्रचंड उत्सुकता पाहायला मिळतेय. हे पर्व अनेक अर्थांनी वेगळं ठरलं. कधी घरातील स्पर्धकांच्या बेधडक वागण्याने तर कधी घरातील अप्रतिम आणि सुंदर अशा सजावटीने प्रेक्षकांना या घराच्या प्रेमात पाडलं.
Bigg Boss Marathi 4 : 'बिग बॉस'चं चौथं पर्व जिंकणाऱ्याला काय बक्षीस मिळणार याची चाहत्यांना उत्सुकता लागली आहे. बिग बॉसचं चौथं पर्व जिंकणाऱ्या विजेत्याला किंवा विजेतीला 15 लाखांचं बक्षीस आणि ट्रॉफी मिळणार आहे.
Bigg Boss Marathi 4 : मनोरंजन विश्वात सतत चर्चेत असणारं आणि गाजलेलं नाव म्हणजे राखी सावंत. तिला कॉन्ट्रोवर्सी क्वीन म्हटले जाते. राखीने सतत लाइमलाइटमध्ये राहणं ही भल्याभल्यांना न जमणारी गोष्ट सहज करून दाखवली आहे. बिग बॉस मराठीच्या चौथ्या पर्वात एंटरटेन्मेंट क्वीन राखी सावंतची वाइल्ड कार्ड एन्ट्री झाली आणि खेळाला तडका लागला. तिच्या येण्याने बिग बॉसच्या घराला चार चॉंद लागले.
Bigg Boss Marathi 4 : 'मिसेस मुख्यमंत्री' फेम अमृता धोंगडेने 'बिग बॉस मराठी 4'च्या माध्यमातून प्रेक्षकांचं चांगलच मनोरंजन केलं. ‘बिग बॉस मराठी’च्या चौथ्या पर्वात मिसेस मुख्यमंत्र्यांची जादू पाहायला मिळाली. अभिनयाच्या क्षेत्रात अमृतानं 'मिथुन' या चित्रपटाद्वारे पदार्पण केलं आहे. हा अमृताचा सिनेमा 13 जुलै 2018 रोजी प्रेक्षकांच्या भेटीला आला होता.
Bigg boss marathi 4 : बिग बॉस मराठीच्या चौथ्या पर्वातील वादग्रस्त स्पर्धक म्हणून किरण मानेची गणना केली जाते. 'मुलगी झाली हो' या मालिकेत ते महत्त्वाच्या भूमिकेत होते, त्यानंतर त्यांना बाहेरचा रस्ता दाखवण्यात आला. हा वाद अनेक दिवस सोशल मीडियावर चर्चेचा विषय ठरला.
Bigg Boss Marathi 4 : 'बिग बॉस मराठी'च्या (Bigg Boss Marathi 4) चौथ्या पर्वाची चाहत्यांना कमालीची उत्सुकता होती. पण हे पर्व कुठेतरी प्रेक्षकांच्या पसंतीस उतरण्यात कमी पडलं. टीआरपीच्या शर्यतीत नेहमी पहिल्या क्रमांकावर असणारा हा कार्यक्रम यंदा मात्र कमी पडला. आज या कार्यक्रमाचा महाअंतिम सोहळा पार पडणार असून किरण माने (Kiran Mane) या पर्वाचा विजेता होऊ शकतो, अशी शक्यता वर्तवली जात आहे.
Bigg Boss Marathi 4 : Countdown सुरू झालाय! BIGG BOSS मराठी सीझन 4 च्या झकास GRAND FINALE साठी बाकी फक्त 5 तास!
Bigg Boss Marathi 4 : बिग बॉस मराठीच्या घरातील एक मास्टर माइंड चेहरा म्हणजे अक्षय केळकर. अक्षय केळकर हा मालिका जगतात गाजलेला कलाकार. बिग बॉस मराठीच्या घरात एंट्री घेतल्या पासूनच त्याने स्वतःचं वेगळेपण दाखवलं. त्याने वाद घातले, राडे केले पण त्याहीवेळी त्याने स्वतःची बाजू उत्तम पद्धतीने राखली.
Bigg Boss Marathi 4 : टिकट टू फिनालेचा टास्क जिंकत अपूर्वा ‘बिग बॉस मराठी’च्या चौथ्या पर्वाची फायनलिस्ट ठरली आहे. अपूर्वा पहिल्या दिवसापासूनच ‘बिग बॉस’च्या घरातील चर्चेतील चेहऱ्यांपैकी एक आहे. 'रात्रीस खेळ चाले' या मालिकेमुळे अभिनेत्री अपूर्वा नेमळेकर प्रसिद्धीच्या शिखरावर पोहोचली. या मालिकेत अपूर्वाने साकारलेली शेवंता ही भूमिका तुफान गाजली.
Bigg Boss Marathi 4 : या पर्वात अपूर्वा नेमळेकर (Apurva Nemlekar), अक्षय केळकर (Akshay Kelkar), अमृता धोंगडे (Amruta Dhongade), किरण माने (Kiran Mane) आणि राखी सावंत (Rakhi Sawant) या पाच स्पर्धकांचा 'टॉप 5'मध्ये (Top 5) समावेश झाला आहे.
Bigg Boss Marathi 4 : 100 दिवस रंगलेल्या या स्पर्धेची होणार आता सांगता होणार आहे. BIGG BOSS मराठी सीझन 4 ला मिळणार एक नवा विजेता!
Bigg Boss Marathi 4 : 'बिग बॉस मराठी'च्या (Bigg Boss Marathi 4) चौथ्या पर्वाचा आज महाअंतिम सोहळा पार पडणार आहे. गेल्या अनेक दिवसांपासून प्रेक्षक या दिवसाची प्रतीक्षा करत आहेत.
पार्श्वभूमी
Bigg Boss Season 4 Marathi 2023 live updates : मनोरंजन विश्व म्हटलं की, रोज नवनवे गॉसिप हे आलेच. याशिवाय रोज मालिकांमध्ये काय घडतंय? बॉलिवूड विश्वात सध्या काय सुरु आहे? आपल्या लाडक्या अभिनेत्री आणि अभिनेत्यांच्या आयुष्यात काय सुरु आहे, या सगळ्याची संपूर्ण आणि जलद माहिती आम्ही तुम्हाला देणार आहोत. आपल्या लाडक्या सेलेब्सबद्दल जाणून घेण्यासाठी सगळेच चाहते उत्सुक असतात. इतकंच नाही तर मनोरंजन विश्वात सध्या काय नवं घडतंय, याची देखील सर्वांनाच उत्सुकत असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
'बिग बॉस मराठी' (Bigg Boss Marathi) म्हटलं चाहत्यांची उत्सुकता शिगेला पोहचते. मग पर्व कधी सुरु होणार? सदस्य कोण असणार? सिझनच घर कसं असेल? आणि बरंच काही... आता संपूर्ण महाराष्ट्र वाट बघत आहे ते म्हणजे या पर्वाचा महाविजेता कोण ठरणार याची. अखेर तो क्षण आला आहे. 100 दिवसांपूर्वी 16 सदस्यांसोबत या रोमांचक प्रवासाची सुरुवात झाली आणि आता घरात उरले आहेत टॉप पाच (Top 5) सदस्य. यात अपूर्वा नेमळेकर (Apurva Nemlekar), अक्षय केळकर (Akshay Kelkar), अमृता धोंगडे (Amruta Dhongade), किरण माने (Kiran Mane) आणि राखी सावंत (Rakhi Sawant) या (Bigg Boss Marathi Season 4 Finalists) स्पर्धकांचा समावेश आहे.
बिग बॉसच्या चौथ्या पर्वातील सदस्य अगणिक टास्क आणि अडचणींना सामोरे गेले. कधी कधी घरच्यांच्या आठवणीने डोळे पाणावले तर कधी सदस्य घराबाहेर गेला ही गोष्ट मनाला चटका लावून गेली. हे घर अशा अनेक क्षणांचे साक्षिदार राहिले आहे. आता हेच घर निरोप घेण्याच्या वाटेवर आहे. कारण, आता हा प्रवास येत्या रविवारी संपणार असला तरीदेखील हे नातं मात्र अधिक दृढ झाले आहे यात शंका नाही.
महाअंतिम सोहळा कधी रंगणार? (Bigg Boss Marathi 4 Grand Finale)
'बिग बॉस मराठी'चं चौथं पर्वदेखील महाराष्ट्राच्या घराघरांत पोहचलं आणि कानाकोपर्यात फक्त याच कार्यक्रमाची चर्चा सुरू झाली. आता या टॉप पाच स्पर्धकांमधून कोणता सदस्य ठरणार 'बिग बॉस मराठी'च्या चौथ्या पर्वाचा महाविजेता हे जाणून घेण्याची उत्सुकता संपूर्ण महाराष्ट्राला लागली आहे. येत्या रविवारी 'बिग बॉस मराठी'च्या चौथाचा पर्वाचा महाअंतिम सोहळा 8 जानेवारी रोजी संध्या 7.00 वा. कलर्स मराठीवर प्रेक्षकांना पाहायला मिळणार आहे.
'बिग बॉस मराठी'च्या घराला यावर्षी कधी अपूर्वाच्या आवाजाने तर कधी अमृताच्या रडण्याने हलवून सोडलं. कधी अक्षयची स्ट्रॅटेजी तर कधी राखीचे राडे आणि फुल ऑन एंटरटेनमेंट ने हे घर सतत चर्चेत राहिले. कधी हे घर विकास आणि अपूर्वाच्या लुटुपुटुच्या भांडणांचे साक्षिदार राहिले तर कधी घरात घडलेल्या प्रत्येक लहान मोठ्या घटनांचे. कधी सदस्यांसोबत हे घर खूप हसलं तर कधी त्याला देखील अश्रू अनावर झाले. या घराने सदस्याचे प्रत्येक रूप पहिले. मायाळू, खोडकर, भांडखोर, संवदेनशील, कारस्थानी... या भिंती आणि या घरातील प्रत्येक वस्तू याचे साक्षिदार असतील.
- - - - - - - - - Advertisement - - - - - - - - -