मुंबई : बिग बॉस मराठीचा (Bigg Boss Marathi 5) नवा सीझन पहिल्या दिवसापासून चर्चेत आहे. बिग बॉसच्या घरात पहिला आठवडा निक्की तांबोळीने गाजवला. निक्कीने वर्षा उसगांवकर, अंकिता वालावलकर आणि आर्यासोबत राडा केला. यानंतर जान्हवी किल्लेकरने आर्यासोबत भांडण केलं. यानंतर रितेश देशमुखने भाऊच्या धक्क्यावर सर्व सर्वांची वाट लावली. आज बिग बॉस मराठीमध्ये फ्रेंडशिप डेचं खास सेलीब्रेशन पार पडणार आहे. यावेळी वेगळी मैत्रीची नाती पाहायला मिळणार आहेत.
फ्रेंडशिप डेला जान्हवीला मिळाली भेट
बिग बॉस मराठीमध्ये आज रितेश भाऊच्या धक्क्यावर फ्रेंडशिप डेचं खास सेलिब्रेशन पाहायला मिळणार आहे. आजच्या भागात घरातील सदस्य एकमेकांना मैत्रीचं लॉकेट देताना दिसणार आहेत. त्यामुळे आज भाऊच्या धक्क्यावर काय घडणार याची उत्सुकता बिग बॉस प्रेमींना लागली आहे. नव्या प्रोमोमध्ये बिग बॉसच्या घरातील सर्व स्पर्धक एकमेकांना फ्रेंडशिपचं लॉकेट घालताना दिसत आहेत. यावेळी वर्षा उसगांवकर जान्हवी किल्लेकरला भेट देतात. वर्षा ताई जान्हवीला फ्रेंडशिप डेचं खास लॉकेट देतात.
वर्षा ताईंनी दिलं मूर्ख मित्राचं लॉकेट
प्रोमोमध्ये वर्षा ताई म्हणतात की, "हे फ्रेंडशिचं मेडल मी जान्हवीला देऊ इच्छिते, मूर्ख मित्र. याचं कारण असं की, मी ती थोडं चांगलं डोकं आहे, असं समजत होते. पण, काय झालं, जवळजवळ तिसऱ्याचं दिवशी तिने राजकारण केलं. काहीही कारण नसताना आपल्या निक्की नावाच्या जिवलग मैत्रिणीला बालहट्ट पुरवण्यासाठी, ज्याला काहीही अर्थ नव्हता. फक्त माझं खच्चीकरण करायचं होतं, म्हणून. तिच्यासाठी तिने हे केलं जे मला तिचं वागणं अत्यंत मूर्खपणाचं वाटलं म्हणून तिला मी मूर्ख मित्राचं लॉकेट बहाल करते." असं वर्षा उसगांवकर सांगतात.
नेटकऱ्यांची प्रतिक्रिया काय?
दरम्यान, या प्रोमोवर नेटकरी कमेंट करत प्रतिक्रिया देताना दिसत आहेत. एका नेटकऱ्याने कमेंट करत म्हटलंय, "याला म्हणतात शुद्ध भाषेत अपमान". दुसऱ्याने लिहिलंय, "ताईंचा वार म्हणजे एक बाण आणि एका दगडात दोन पक्षी, ह्याला मनाची तीक्ष्ण उपस्थिती म्हणतात". आणखी एकाने लिहिलंय, "ती निक्की आणि अरबाज ह्या जान्हवी आणि त्या बैल भव ला येद्यात काढतात". एका युजरने लिहिलंय, "वर्षा ताई छान काम केला", तर आणखी एका नेटकऱ्याने प्रतिक्रिया देताना लिहिलंय, "आहातच की तुम्ही मोठ्या अभिनेत्री आणि जे अख्या देशाला माहीत आहे ते त्यांना दाखवायची गरज पणं नाही".
महत्त्वाच्या इतर बातम्या :