Bigg Boss Marathi 4: अक्षयची बिग बॉसकडे अजब मागणी; घरच्या आठवणीमुळे अमृताला अश्रू अनावर, बिग बॉसच्या आगामी एपिसोडमध्ये काय होणार?

नुकत्याच एका एपिसोडमध्ये अक्षय केळकरनं एक अजब मागणी केली आहे. तर अमृता धोंगडेला कुटुंबाची आठवण आल्यानं अश्रू अनावर झाले.

Bigg Boss Marathi 4

Bigg Boss Marathi 4: छोट्या पडद्यावरील शो   'बिग बॉस मराठी'चा(Bigg Boss Marathi 4) चौथा सीझन आता प्रेक्षकांच्या भेटीला आलं आहे. या सीझनमध्ये प्रेक्षकांना स्पर्धकांची भांडणं, टास्क आणि ड्रामा हे सर्व बघायला मिळत आहे. नुकत्याच एका एपिसोडमध्ये अक्षय केळकरनं एक अजब मागणी केली आहे. तर अमृता धोंगडेला कुटुंबाची आठवण आल्यानं अश्रू अनावर झाले. 

अक्षयनं बिग बॉसकडे केली मागणी 
बिग बॉस मराठीच्या घरामध्ये सदस्यांना काहीना काही नवं शिकायाची संधी मिळते. अक्षयनं नुकतीच बिग बॉसला एक विनंती आहे. किचनमध्ये बटाटा, काकडी सोलायला जे सोलाणं ठेवले आहे ते अक्षयच्या मते वापरायला अत्यंत कठीण आहे. अमृता देशमुख हिने त्याला ते कसे वापरावे हे देखील शिकवले. पण तरी त्यानी बिग बॉसकडे अजब मागणी केली. त्यानं बिग बॉसला विनंती केली की, "बिग बॉस माझं हे मतं आहे, की हे सोलणं टेक्निकली भले हे स्ट्रॉंग असेल, पण आपल्या जुन्या टेक्निकचं सोलाणं द्यावे.  हे खुपचं अवजड आणि अवघड आहे".
 
अमृता धोंगडेला अश्रू अनावर
बिग बॉस मराठीच्या घरामध्ये सदस्यांना काही दिवसांनंतर घरच्या सदस्यांची आठवण येणे साहजिकच आहे. कधी कधी त्यांना एकटे देखील वाटू शकते. अमृताला देखील अश्रू अनावर झाले आणि तिला रडू कोसळले. आणि म्हणूनच किरण माने तिची समजूत काढताना दिसले तर प्रसाद तिला हसवण्याचा प्रयत्न करताना दिसला. प्रसादने अमृताला विचारले, "आम्ही काय घरातले नाही का ? का रडतेस? नाही म्हणजे जस्ट विचारतो आहे. नसू शकतो कदाचित. अमृताचे म्हणणे आहे इथे सगळेच खेळायला आले आहेत. किरण माने म्हणाले, मी काय काय सोसलं असेल काल ... प्रसाद म्हणाला, 'टास्क हा पण आहे ना कि, तुला खरंच ओळखायचे आहे कोण आपले आहेत ? कोण? ते चुकलं ना कि ही आठवण येते. पहिल्या दिवशी माझ्या डोक्यात फक्त तेच सुरु होतं. किरण म्हणाले, 'ते चुकलं ना कि गणित चुकतं. काही लोकं आपल्या जवळ येतात ना ते आपला प्रभाव कमी करायला येतात. आणि काही लोकं आपला प्रभाव वाढवायला येतात. काही माणसांनी याला (विकासाला) विकून खाल्लं असतं की नाही, एकटा असता तर ? निगेटिव्ह असो वा पॉसिटीव्ह आला तो फोकसमध्ये काल. त्यांना हे कळत नाही आपला माणूसच आपल्याला झाकतो आहे. विकास आणि मी जे जगतो आहे ते खरं जगतो आहे... प्रभाव वाढतो आहे.'

हे सर्व बिग बॉसच्या आजच्या भागामध्ये प्रेक्षकांना बघायला मिळणार आहे. 

वाचा इतर महत्त्वाच्या बातम्या: