(Source: ECI / CVoter)
Bigg Boss Marathi 3: 'तळ्यात मळ्यात' नंतर बिग बॉसच्या घरात आज रंगणार 'जपून दांडा धर' साप्ताहिक कार्य
Bigg Boss Marathi 3: बिग बॉस मराठीच्या घरात आज 'जपून दांडा धर' हे साप्ताहिक कार्य रंगणार आहे. या टास्कदरम्यान सदस्यांमध्ये वाद आणि भांडण होताना दिसून येणार आहे.
Bigg Boss Marathi 3: बिग बॉस मराठीच्या घरात सदस्यांना आता 50 आठवडे पूर्ण झाले आहेत. काल बिग बॉस मराठीच्या घरात 'तळ्यात मळ्यात' हा टास्क पार पडला. या टास्कमध्ये कॅप्टन मीराला बिग बॉसच्या आदेशानुसार अतिशय कठीण निर्णय घ्यावा लागला. घरातील ज्या सदस्यांमुळे टास्क रद्द होतो, नियमभंग करणारे सदस्य, टास्कमध्ये आक्रमकता दाखवणाऱ्या सदस्यांची नावे काल बिग बॉसने मीराला विचारली. तर आज बिग बॉसच्या घरात 'जपून दांडा धर' हे साप्ताहिक कार्य रंगणार आहे.
View this post on Instagram
'जपून दांडा धर' या टास्क दरम्यान घरातील सदस्यांमध्ये वाद आणि भांडण होणार आहे. मीरा आणि नीथामध्ये जोरदार वादावादी होताना दिसून येणार आहे. आजच्या भागात जय आणि विशालची मीरामुळे मैत्री होताना दिसून येणार आहे. पुढे त्यावरुन जय, मीरा आणि विकासमध्ये बाचाबाची झालेली देखील प्रेक्षकांना पाहायला मिळणार आहे. जय, उत्कर्ष, स्नेहा, विशाल आणि विकासला आजच्या टास्कमध्ये मीरा शिक्षेस पात्र ठरवणार आहे. त्यामुळे घरातील सदस्य गाण्याच्या स्वरुपात मीराला टोमणे मारताना दिसून येणार आहेत. आजच्या भागात घरातील सदस्य मजा-मस्ती करताना दिसून येणार आहेत. आज बिग बॉसच्या घरात गाण्यांची मैफल रंगणार आहे.
View this post on Instagram
मीनल आणि सोनाली आजच्या भागात विकासबद्दल गॉसिप करताना दिसून येणार आहेत. मीनल सोनालीला सांगणार आहे,"मी कितीवेळा म्हणाले तिकडे एकेकाने बोला, ट्राय करा, प्र्त्येकाशी मुद्देसूद बोला. जे विकासने केलं. सगळे मुद्दे बरोबर नाही बोला तो पण त्याने... तुला माहिती आहे ना तो बोलण्यातून समोरच्याला बाटलीत उतरवत असतो". त्यावर सोनाली म्हणाली,"बाटलीत उतरवणं आपल्यासाठी फायदेशीर ठरू शकतं. पण आपण त्याच्या बाटलीत उतरायचे नाही".