Bigg Boss Marathi 3 : आदिश वैद्य बिग बॉसच्या घराबाहेर; वाईल्ड कार्डद्वारे घेतली होती एन्ट्री

बिग बॉस मराठी सिझन ३ ची सध्या सगळीकडे जोरदार चर्चा सुरू आहे.

Bigg Boss Marathi 3 : बिग बॉस मराठी सिझन ३ ची सध्या सगळीकडे जोरदार चर्चा सुरू आहे. गेल्या आठवड्यात अनेक रंगतदार टास्क झाले. घरात सर्वांच्या लाडक्या आजीचे आगमन झाले होते. आजी घरातील सदस्यांना ओरडली तर आजीने तिच्या लाडक्या नातवडांना खाऊदेखील दिला. आजी घराचा निरोप घेताना घरातील सर्व सदस्यांना अश्रू अनावर झाले होते. घरातील कोणता सदस्य घराबाहेर जाणार याकडे प्रेक्षकांचे लक्ष लागले होते. मीनल शाह, विकास पाटील, संतोष चौधरी (दादुस) आणि आदिश वैद्य हे घराबाहेर जाण्याच्या प्रक्रियेमध्ये नॉमिनेट झाले होते. घरात वाईल्ड कार्डद्वारे एन्ट्री घेणाऱ्या आदिश वैद्यने बिग बॉसमधून एग्झिट घेतली. 

आदिश बिग बॉसच्या घराबाहेर गेल्याने त्याची मैत्रिण  मीनल शाह भावूक झाली. तर चाहते स्पर्धकांनी अतरंगी डिमांड देताना दिसून आले. या आठवड्यात चावडीवर उत्कर्ष शिंदे आणि सोनाली पाटील यांनी बिग बॉसच्या चावडीमध्ये  प्रेक्षकांनी दिलेल्या डिमांड पूर्ण केल्या. तसेच  बिग बॉस मराठीच्या पहिल्या पर्वाती  मेघा धाडे आणि रेशम टिपणीस  या लोकप्रिय सदस्यांनी हजेरी लावली. या दोघींनी बिग बॉसमधील सदस्यांचं भरभरून कौतुक केलं. 

आदिश त्याच्या नात्यांमुळे तसेच वैयक्तिक जीवनामुळे सोशल मीडियावर चर्चेत असतो. आदिश त्याच्या वेगवेगळ्या लूकमधील फोटो देखील चाहत्यांसोबत शेअर करतो. आदिशने कुंकू टिकली आणि टॅटू या मालिकांमध्ये काम केले आहे. तसेच रात्रीस खेळ चाले या मालिकेमधून त्याला विशेष लोकप्रियता मिळाली. आता या आठवड्यात महेश मांजरेकर यांनी केलेल्या कानउघडणीचा सदस्यांवर काही परिणाम होणार का? , घराचा नवा कॅप्टन कोण असणार, घरात आणखी एक वाईल्ड कार्ड एन्ट्री होणार का? हे सर्व पाहण्यासाठी प्रेक्षक उत्सुक आहेत.