Bigg Boss 17: बिग बॉसच्या घरात कडाक्याचं भांडण; अभिषेक कुमार आणि विकी जैन यांच्या बाचाबाची

 Bigg Boss 17:  विकी जैन (Vicky Jain) आणि  अभिषेक कुमार (Abhishek Kumar) यांच्यामध्ये आता  कडाक्याचं भांडण झालं आहे.

Bigg Boss 17

Bigg Boss 17:  छोट्या पडद्यावरील बिग बॉस 17 (Bigg Boss 17)  हा शो गेल्या काही दिवसांपासून चर्चेत आहे. या शोमधील स्पर्धकांमध्ये दूरावा निर्माण झालेला पाहायला मिळत आहे.  विकी जैन (Vicky Jain) आणि  अभिषेक कुमार (Abhishek Kumar) यांच्यामध्ये आता  कडाक्याचं भांडण झालं आहे. त्यांच्या भांडणाचा व्हिडीओ सोशल मीडियावर व्हायरल झालेला दिसत आहे.

अभिषेक कुमार आणि विकी जैन यांच्या बाचाबाची

बिग बॉस 17 या कार्यक्रमाच्या प्रोमोमध्ये दिसत आहे की,  अभिषेक आणि विकी हे एकमेकांसोबत भांडण करत आहेत. या भांडणात अभिषेक ओरडताना दिसत आहे. तो विकी जैनला म्हणतो, "40 वर्षांचा म्हणाता माणूस... स्वतःकडे बघ." यानंतर विकी अभिषेकला म्हणतो, 'तुझ्याकडे बघ, एकही मुलगी तुझ्यासोबत नाही'. यानंतर अभिषेक  विकीला  म्हणतो, - 'काही हरकत नाही. मला माहित आहे तुला का मुलगी मिळाली' अभिषेकचं हे बोलणं ऐकल्यानंतर अंकिता चिडते. ती अभिषेकला म्हणते, '  कशामुळे मिळाली मुलगी?' यानंतर अभिषेक पुन्हा ओरडू लागतो, त्यानंतर विक्कीने त्याला धक्का देचो आणि तो खुर्चीवर पडतो. अभिषेक उठतो आणि विकीला धक्का देतो.

बिग बॉस काय निर्णय घेतील?

 प्रोमो पाहिल्यानंतर असा अंदाज लावला जात आहे की, दोघांमधील भांडण खूपच वाढते. विकीला शारीरिक त्रास होऊ लागला आहे, त्यामुळे आता यावर बिग बॉस काय निर्णय घेतात हे पाहावे लागेल. 

Promo #BiggBoss17 #AbhishekKumar aur #VickyJain hue physical pic.twitter.com/lPOcEWmJ6a

— The Khabri (@TheKhabriTweets) December 18, 2023

काही दिवसांपूर्वी बिग बॉसच्या घरातील किचनमध्ये अंकिता आणि विकी जैन यांच्यामध्ये स्वयंपाकावरून वाद झाला.  हा वाद इतका वाढला की, दोघांनी एकमेकांवर ओरडण्यास सुरुवात केली होती.

अंकिता लोखंडे आणि विकी जैन यांनी 14 डिसेंबर 2021 रोजी लग्न केले. 'पवित्र रिश्ता' (Pavitra Rishta) या  मालिकेमुळे अंकिताला विशेष लोकप्रियता मिळाली.

बिग बॉस 17 मधील स्पर्धक

ऐश्वर्या शर्मा,नील भट्ट, मुनव्वर फारुकी,मनारा चोप्रा,नावेद सोल,अनुराग डोभाल,जिग्ना वोरा,सोनिया बन्सल यांनी देखील बिग बॉस-17 या शोमध्ये स्पर्धक म्हणून सहभाग घेतला आहे.  बिग बॉस-17 या शोमध्ये स्पर्धक हे मबाबत प्लॅनिंग आणि प्लॉटिंग करत  आहेत. आता बिग बॉस-17 या शोचा विजेता कोण ठरणार? याकडे अनेकांचे लक्ष लागले आहे.