Bigg Boss 17: बिग बॉस-17 च्या ग्रँड फिनालेच्या आधी अंकिताला भेटली अमृता खानविलकर; दिला 'हा' मोलाचा सल्ला

Bigg Boss 17: नुकताच बिग बॉसचा एक प्रोमो सोशल मीडियावर व्हायरल झाला आहे. या प्रोमोमध्ये अभिनेत्री अमृता खानविलकर (Amruta Khanvilkar) ही अंकिता लोखंडेला (Ankita Lokhande) भेटताना दिसत आहे.

(Amruta Khanvilkar/instagram)

Bigg Boss 17: छोट्या पडद्यावरील बिग बॉस 17 (Bigg Boss 17) हा शो लवकरच संपणार आहे.  या कार्यक्रमाचा ग्रँड फिनाले 28 जानेवारी रोजी पार पडणार आहे. बिग बॉसच्या या सीझनचा विजेता कोण ठरणार आहे? हे जाणून घेण्यास प्रेक्षक उत्सुक आहेत. नुकताच बिग बॉसचा एक प्रोमो सोशल मीडियावर व्हायरल झाला आहे. या प्रोमोमध्ये अभिनेत्री अमृता खानविलकर (Amruta Khanvilkar) ही अंकिता लोखंडेला (Ankita Lokhande) भेटताना दिसत आहे.

अंकिताला भेटली अमृता

बिग बॉस 17 या कार्यक्रमाचा प्रोमो अमृतानं सोशल मीडियावर शेअर केला आहे. या प्रोमोमध्ये दिसत आहे की,  बिग बॉसच्या घरात अमृताला पाहिल्यानंतर अंकिताला आनंद होतो. ती अमृताला मिठी मारते. त्यानंतर अमृता म्हणते, "आमची 20 वर्षांची मैत्री आहे. तिच्या आयुष्यातील बरेच उतार चढाव मी पाहिले आहेत. तिच्याकडे दोन गोष्टी नेहमीच होत्या, एक म्हणजे कॉन्फिडन्स आणि दुसरी म्हणजे खूप प्रेम. मला असं वाटतं की, प्रेमामुळे कोणीही कोणालाही आपलंस करु शकतं."

अंकितानं अमृताला दिला मोलाचा सल्ला

पुढे अमृता अंकिताला म्हणते, " तू तुझ्या गेममुळे फायनलिस्ट आहेस. गेली अनेकवर्ष तुझ्यावर जे लोक प्रेम करतात ते अजून पण तुझ्यावर प्रेम करत आहेत. तू केलेल्या प्रेमावर विश्वास ठेव. तुला सारखं सॉरी, सॉरी बोलायची गरज नाहीये. "

"अंकिता जेवढी बिग बॉसमध्ये रडली आहे ना, तेवढंच मी आणि माझी आई शो पाहून रडलो आहोत. तिच्या रडण्यामागे तिचे काय विचार आहेत, ते मला माहित आहे." असंही अमृता बिग बॉसच्या शोमध्ये म्हणाली.

पाहा प्रोमो: 

 

 

 

 

 

View this post on Instagram

 

 

 

 

 

 

 

 

 

 

 

A post shared by ColorsTV (@colorstv)

विकी जैन आणि अंकिता हे बिग बॉसच्या घरात सतत भांडत होते. काही दिवसांपूर्वी विकी हा बिग बॉसमधून आऊट झाला. आता अंकिताच्या नावाचा समावेश टॉप-5 स्पर्धकांमध्ये झाला आहे.

'बिग बॉस 17' चे टॉप 5 स्पर्धक

'बिग बॉस 17' या कार्यक्रमाच्या ग्रँड फिनालेची प्रेक्षक उत्सुकतेने वाट बघत आहेत. मुनव्वर फारुकी,अंकिता लोखंडे , अभिषेक कुमार , अरुण मोशेट्टी  आणि मन्नारा चोप्रा या स्पर्धांका समावेश  टॉप 5 मध्ये झाला आहे. आता बिग बॉसच्या ट्रॉफीवर कोण नाव कोरणार? याकडे अनेकांचे लक्ष लागले आहे.

वाचा इतर महत्वाच्या बातम्या: