Bigg Boss 14 Winner Rubina Dilaik : रुबिना दिलैक बनली बिग बॉस 14 ची विजेती
Bigg Boss 14 Winner Rubina Dilaik : राहुल वैद्य बिग बॉस सीझन 14 चा पहिला उपविजेता ठरला आहे तर निक्की तांबोळी दुसरी उपविजेती ठरली आहे. बिग बॉस 14 ची विजेती रुबिना दिलैक या सीजनमध्ये पहिल्या दिवसापासून सर्वोत्कृष्ट खेळ खेळताना दिसली.
Bigg Boss 14 : Rubina Dilaik बिग बॉस 14 ची विजेती बनली आहे. सोशल मीडियावर आधीच याबाबत शक्यता व्यक्त केली जात होती की यावेळची विजेती Rubina Dilaik असेल आणि तसंच झालं. राहुल वैद्यला पराभूत करत तिने बिग बॉसच्या ट्रॉफीवर नाव कोरलं. राहुल वैद्य बिग बॉस सीझन 14 चा पहिला उपविजेता ठरला आहे तर निक्की तांबोळी दुसरी उपविजेती ठरली आहे.
या सीजनमध्ये रुबीना दिलक पहिल्या दिवसापासून सर्वोत्कृष्ट खेळ खेळताना दिसली. घराच्या प्रत्येक विषयावर तिने उघडपणे आवाज उठविला होता आणि सुरुवातीपासूनच खेळाच्या दरम्यान तिची पर्सनॅलिटी पाहून तिला प्रबळ दावेदार मानलं जात होतं. कुठल्याही मुद्द्य़ावर कसलाही संकोच न बाळगता ती तिचं मत देत असे. अगदी सुरुवातीच्या टप्प्यात तिने सलमान खानशीही पंगा घेतला होता.
View this post on Instagram
बिग बॉसच्या घरात रुबिना डिलैकचा प्रवास खूप मजेशीर होता. पती अभिनव शुक्ला सोबत तिने घरात प्रवेश केला होता. तिचा आणि अभिनव यांचं नातं नाजूक स्थितीत आहे याची घरातील इतर सदस्यांना कल्पनाही नव्हती. ज्यावेळी घरात त्यांनी आपल्या वैयक्तिक आयुष्याविषयी सांगितले तेव्हा सर्वांना हे ऐकून आश्चर्य वाटले. मात्र बिग बॉसच्या घरात आल्यानंतर रुबिना आणि अभिनव यांच्या नात्यात सुधारणा झाली, दोघे एकमेकांच्या जवळ आले आणि आता त्यांचं नातं घट्ट बनलं आहे.
घरातील प्रवास रुबिनासाठी तितकाच कठीण होता. कारण शो दरम्यान इतर स्पर्धकांनी तिच्यावर अनेकदा विविध आरोप केले. कुणी तिला डॉमिनेटिंग म्हटलं तर कुणी कडक शिक्षक म्हटलं. विशेषत: प्रत्येक वेळी विविध मुद्द्यांवर तिचा राहुल वैद्यशी वाद झाला. घरात तिचे सर्वात मोठे भांडण राहुल वैद्यसोबतच झाले होते. आणि अंतिम फेरीतही दोघांमध्ये कडवी झुंज पाहायला मिळाली. पण राहुल वैद्यला मागे सारत रुबिनाने बाजी मारली.
महत्त्वाच्या बातम्या
ट्रेंडिंग न्यूज
