Big Boss Marathi 4 : बिग बॉसच्या घरात सदस्यांना मिळणार टार्गेट टास्क; जितेंद्र जोशी करणार 'या' सदस्यावर वार

Big Boss Marathi 4 : बिग बॉसच्या घरात आजच्या दाखविण्यात आलेल्या प्रोमोमध्ये जितेंद्र जोशी घरातील सदस्यांना टार्गेट टास्क देणार आहे.

Big Boss Marathi 4

Big Boss Marathi 4 : बिग बॉस मराठीच्या (Big Boss Marathi 4) खेळाची रंगत दिवसेंदिवस वाढत चालली आहे. सध्या घरात या आठवड्याची थीम 'बीबी कॉलेज डेज' अशी आहे. त्यानुसार प्रत्येक स्पर्धक कॉलेज जीवनातील धम्माल, मज्जा, मस्ती या घरात अनुभवताना दिसतोय. बिग बॉसचा आजचा भाग देखील तितकाच स्पेशल असणार आहे. कारण आज घरात अभिनेता जितेंद्र जोशी घरात एन्ट्री होणार आहे. गोदावरी या चित्रपटाच्या प्रमोशनसाठी जितेंद्र बिग बॉसच्या घरात प्रवेश करणार आहे. 

बिग बॉसच्या घरात आजच्या दाखविण्यात आलेल्या प्रोमोमध्ये जितेंद्र जोशी घरातील सदस्यांना टार्गेट टास्क देतो. या टास्कनुसार प्रत्येक सदस्याने आपल्या टार्गेट सदस्यावर नेम धरून त्याच्या अंगावर पाण्याचे फुगे फोडायचे आहेत. घरातील सगळेच सदस्या या टास्कची मजा घेत असताना अमृता धोंडगे एक वाक्य जितेंद्र जोशीला म्हणते. तेव्हा जितेंद्र जोशी देखील अमृताला चांगलंच सुनावताना दिसतो.

टास्क दरम्यान अमृता धोंगडे जितेंद्रला म्हणते, तुम्हालाही कोणावर मारायचे असतील तर मारून घ्या. त्यावर नाही मी जे काही करणार आहे ते नंतर करणार तुमच्याबरोबर. त्याच्यापुढे हे काहीच नाही. तो मार असा बसणार आहे...एवढे बोलून जितेंद्र जोशी थांबतो. 

पाहा व्हिडीओ : 

रोहित शिंदे घरचा नवा कॅप्टन 

बिग बॉसच्या घरात सध्या 'कॉलेज डेज'चे दिवस सुरु आहेत. त्यानुसार सगळे साप्ताहिक कार्यदेखील या थीमला अनुसरून आहेत. यानुसार टीम A मधून किरण माने कॅप्टन्सीच्या उमेदवारीसाठी निवड होते. तर, टीम बी मधून रोहित शिंदेची उमेदवारीसाठी निवड होते. या दोघांमध्ये झालेल्या टास्क दरम्यान रोहित शिंदे घराचा नवा कॅप्टन झाला आहे. घरातील कॅप्टन होण्याची संधी रोहितला पुन्हा एकदा मिळाली आहे. 

'हे' सदस्य झाले नॉमिनेट 

या आठवड्यात झालेल्या साप्ताहिक कार्यानुसार जे सदस्य नॉमिनेट झाले आहेत. या सदस्यांमध्ये अमृता देशमुखे, अमृता धोंगडे, प्रसाद जवादे, तेजस्विनी लोणारी, स्नेहलता वसईकर आणि रूचिरा जाधव हे सदस्य नॉमिनेट झाले आहेत. यापैकी कोणता सदस्य घराबाहेर जाईल हे बिग बॉसच्या रविवारच्या भागात कळेल. 

महत्वाच्या बातम्या :