Bhargavi Chirmule: गिरगावात गेलं बालपण, नृत्य आणि अभिनयानं जिंकली प्रेक्षकांची मनं; जाणून घ्या भार्गवी चिरमुलेबद्दल

जाणून घेऊयात भार्गवीच्या (Bhargavi Chirmule) मालिका, चित्रपट आणि बालपणाबद्दल...

Bhargavi Chirmule

Bhargavi Chirmule: अभिनेत्री  भार्गवी चिरमुले (Bhargavi Chirmule) ही अनेक मालिका आणि चित्रपटांच्या माध्यमातून प्रेक्षकांच्या भेटीस आली. भार्गवी ही तिच्या अभिनयानं आणि नृत्यशैलीनं प्रेक्षकांचे मनोरंजन करते. भार्गवीच्या बालपणाबद्दल अनेकांना माहित नसेल. जाणून घेऊयात भार्गवीच्या मालिका, चित्रपट आणि बालपणाबद्दल...

भार्गवीनं (Bhargavi Chirmule) तिच्या बालपणाबद्दल एका मुलाखतीमध्ये सांगितलं, 'मध्यमवर्गीय घरात माझं बालपण गेलं. माझं बालपण गिरगावात गेलं. पहिले ते चौथी मी गिरगावातील शाळेत होते.त्याच्यानंतर आम्ही दादरमध्ये शिफ्ट झालो. त्यामुळे माझं बालपण अर्ध गिरगावात गेलं आणि अर्ध दादरमघ्ये गेलं.'

पुढे भार्गवीनं तिच्या करिअरबाबत सांगितलं, 'मालिका लोकप्रियता मिळवून देतात. सिनेमा आणि नाटकामध्ये काम केलं की लोक तुम्हाला तुमच्या नावानं ओळखतात. पण मालिकेमध्ये काम केल्यानंतर तुम्हाला लोक मालिकेतील तुमच्या कॅरेक्टरनं ओळखतात. मला रिअॅलिटी शोमुळे देखील लोकप्रिया मिळाली. 2008 मध्ये मी एकापेक्षा एकमध्ये भाग घेतला होता. त्यावेळी रिअॅलिटी शो जास्त नव्हते. मला  एकापेक्षा एकमुळे देखील लोकप्रियता मिळाली. कारण त्या शोच्या पहिल्या सीझनची मी विजेती ठरले होते. फु बाई फु कार्यक्रमात काम करताना मला टेंशन आलं होतं. पण या कार्यक्रमामधून मला कॉमेडी कशी करायची हे कळालं.'  

'कोरोनाकाळात मला कळालं की, एकटं राहणं हे माझ्यासाठी स्ट्रेस बस्टर आहे. माझ्या एका मैत्रिणीनं मला पार्टीमध्ये बोलवलं होतं. ती रात्री होती पार्टी पण मी गेले नाही. मला एकटं राहणं सध्या आवडतं' असंही भार्गवीनं त्या मुलाखतीमध्ये सांगितलं. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Sinag (@sinag_fashion)

भार्गवीचे चित्रपट आणि मालिका

वन रुम किचन, संदुक,गुल्हर, आयडीयाची कल्पना या चित्रपटांमध्ये भार्गवीनं काम केलं. तर वहिनीसाहेब या मालिकेत देखील तिनं महत्वाची भूमिका साकारली. प्रपंच, अनुबंध,  रक्तसंबंध यांसारख्या मालिकांमध्ये भार्गवीनं काम केलं होतं. भार्गवी ही सोशल मीडियावर देखील अॅक्टिव्ह असते. वेगवेगळ्या लूकमधील फोटो ती सोशल मीडियावर शेअर करते. तिला इन्स्टाग्रामवर 155K फॉलोवर्स आहेत. भार्गवीच्या (Bhargavi Chirmule) आगामी चित्रपट आणि मालिकांची प्रेक्षक उत्सुकतेने वाट बघत असतात.

वाचा इतर महत्वाच्या बातम्या: