Amitabh Bachchan : कोरोनावर मात केल्यानंतर अमिताभ बच्चन यांनी केली 'कौन बनेगा करोडपती'च्या शूटिंगला सुरुवात; प्रोमो आऊट

Amitabh Bachchan : कोरोनातून बरं झाल्यानंतर अमिताभ बच्चन यांनी 'कौन बनेगा करोडपती 14' या कार्यक्रमाच्या शूटिंगला सुरुवात केली आहे.

Amitabh Bachchan

Amitabh Bachchan KBC 14 : बॉलिवूडचे महानायक अमिताभ बच्चन (Amitabh Bachchan) यांना दुसऱ्यांदा कोरोनाची लागण झाली असून आता त्यांची प्रकृती सुधारली आहे. प्रकृती सुधारणा झाल्याने त्यांनी 'कौन बनेगा करोडपती 14' (KBC 14) या कार्यक्रमाच्या शूटिंगला सुरुवात केली आहे. नुकतचं अमिताभ यांनी सोशल मीडियावर या कार्यक्रमासंदर्भात नवा प्रोमो शेअर केला आहे.

'कौन बनेगा करोडपती' हा छोट्या पडद्यावरील लोकप्रिय कार्यक्रम आहे. अमिताभ बच्चन यांना कोरोनाची लागण झाल्याने 'कौन बनेगा करोडपती' या कार्यक्रमाच्या शूटिंगलादेखील ब्रेक लागला होता. पण आता दोन आठवड्यांनी या कार्यक्रमाच्या शूटिंगला पुन्हा एकदा सुरुवात झाली आहे. प्रोमो शेअर करत अमिताभ यांनी लिहिलं आहे,"बॅक अॅन्ड स्वीगींग'. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Amitabh Bachchan (@amitabhbachchan)

अमिताभ बच्चन यांनी दुसऱ्यांदा केली कोरोनावर मात 

अमिताभ बच्चन यांनी दुसऱ्यांदा कोरोनावर मात केली आहे. अमिताभ यांना पहिल्या लाटेतदेखील कोरोनाची लागण झाली होती. त्यावेळी अमिताभ यांच्यासह अभिषेक बच्चन, ऐश्वर्या राय बच्चन आणि नात आराध्यालादेखील कोरोनाची लागण झाली होती. पहिल्या लाटेत अमिताभ यांना मुंबईतील नानावटी रुग्णालयात दाखल करण्यात आलं होतं. 

अमिताभ यांना 23 ऑगस्टला दुसऱ्यांदा कोरोनाची लागण झाली होती. त्यामुळे डॉक्टरांनी त्यांना घरीच क्वॉरंटाईन राहण्याचा सल्ला दिला होता. कुटुंबातील सदस्य घरी नसल्याने त्यांना कोरोनाची लागण झाली नाही. अमिताभ बच्चन यांना सर्दी, ताप, डोकेदुखीसारखी कोरोनाची सौम्य लक्षणं जाणवत होती. 

संबंधित बातम्या