Aai Kuthe Kay Karte: संजनाच्या कामामुळे अनिरुद्धची होतेय चिडचिड; 'आई कुठे काय करते !' च्या प्रोमोनं वेधलं लक्ष
आई कुठे काय करते (Aai Kuthe Kay Karte) मालिकेत अभिषेकचा अपघात झाला आहे. त्याच्या अपघातामुळे देशमुख कुटुंब चिंतेत आहे.
Aai Kuthe Kay Karte: छोट्या पडद्यावरील आई कुठे काय करते (Aai Kuthe Kay Karte) या मालिकेमध्ये वेगवेगळे ट्वीस्ट येत असतात. 'आई कुठे काय करते !' या मालिकेच्या गेल्या एपिसोडमध्ये अभिषेकचा अपघात झाला आहे. त्याच्या अपघातामुळे देशमुख कुटुंब चिंतेत आहे. अशातच संजनाला एका महत्वाच्या कामासाठी बाहेर जावं लागणार आहे.
'आई कुठे काय करते !' या मालिकेच्या प्रोमोमध्ये दिसत आहे की, संजना अनिरुद्धला सांगते की, तिला एका महत्वाच्या कामासाठी बाहेर जावं लागणार आहे. संजनाचं हे बोलणं ऐकून अनिरुद्ध चिडतो. अनिरुद्ध संजनाला अडवतो. पण तरी देखील संजना ही कामासाठी बाहेर जाते. संजना ही घराबाहेर गेल्यानंतर अनिरुद्ध हा अरुंधतीला म्हणतो की, संजना ही तिचा आदर्श घेत आहे. त्यानंतर अनिरुद्ध ही संजनाच्या मागे जातो. त्यानंतर आजी देखील संजनावर चिडते. अरुंधती ही आजीला समजावण्याचा प्रयत्न करते.
पाहा प्रोमो
View this post on Instagram
'आई कुठे काय करते !' या मालिकेच्या दुसऱ्या प्रोमोमध्ये अरुंधती आणि आशुतोष यांची लव्ह स्टोरी दिसत आहे. अरुंधतीनं आय लव्ह यू म्हणावं अशी आशुतोषची इच्छा आहे. अरुंधती आशुतोषला आय लव्ह यू म्हणेल का? हे 'आई कुठे काय करते !' मालिकेच्या आगामी एपिसोडमध्ये प्रेक्षकांना कळेल.
View this post on Instagram
'आई कुठे काय करते' या मालिकेत मधुराणी प्रभूलकर या अरुंधती ही भूमिका साकारतात. आई कुठे काय करते मालिकेमधील त्यांच्या अनिरुद्ध ही भूमिका मिलिंद गवळी हे साकारतात. तर संजना ही भूमिका अभिनेत्री रूपाली भोसले ही साकारते. आई कुठे काय करते या मालिकेच्या आगामी एपिसोडची प्रेक्षक उत्सुकतेने वाट बघतात. 'आई कुठे काय करते' मालिकेत सध्या ईशा आणि अनिश यांच्या साखरपुड्याची तयारी देशमुख कुटुंब करत आहे. अशातच अभिषेकचा अपघात झाल्यानं देशमुख कुटुंब चिंतेत आहे.
इतर महत्वाच्या बातम्या:
महत्त्वाच्या बातम्या
ट्रेंडिंग न्यूज
