Aai Kuthe Kay Karte: आई कुठे काय करते (Aai Kuthe Kay Karte) मालिकेत वेगवेगळे ट्वीस्ट येत असतात. अनिरुद्ध आणि अरुंधती यांच्यामध्ये अनेकवेळा वाद होतात. सध्या आई कुठे काय करते या मालिकेचा एक प्रोमो सोशल मीडियावर व्हायरल झाला आहे. या प्रोमोमध्ये दिसत आहे की, आजी ही अनघावर चिडली आहे. अनघा, अरुंधती आणि संजना हे आजीला समजवून सांगताना दिसत आहे.
अनघाने परत तिचं काम सुरु केल्यामुळे आजी नाराज झाली आहे. प्रोमोमध्ये दिसत आहे की, अरुंधती अनघाला विचारते, 'तू पुन्हा काम सुरु केलंस? ' यावर अनघा म्हणते, 'हो दोन सेशन्स घेते' अनघा ही काउंसलिंगचे सेशन घेत असल्यानं आजी अनघावर चिडते. ती म्हणते, 'ही काम करायची वेळ आहे का? मुलं जन्माला घालून स्वत: बाहेर पळाचं. मग मुलाला जन्म द्यायचा कशाला?' त्यानंतर अनघा, अरुंधती आणि संजना या तिघी आजीला समजवतात.
आजीचा राग शांत होईल का? अनघा, अरुंधती आणि संजना या आजीला समजवण्यात यशस्वी होतील का? या प्रश्नाची उत्तरं आई कुठे काय करते या मालिकेच्या पुढील भागात प्रेक्षकांना मिळणार आहेत.
आई कुठे काय करते मालिकेच्या दुसऱ्या प्रोमोमध्ये दिसत आहे की, बऱ्याच दिवसांनी अनिरुद्ध आणि संजनामध्ये झाला छान संवाद झाला. अनिरुद्धला टाय सापडत नसतो. त्यानंतर संजना ही अनिरुद्धला टाय शोधून देते.
'आई कुठे काय करते' मालिकेची स्टार कास्ट
'आई कुठे काय करते' या मालिकेत मधुराणी प्रभूलकर या अरुंधती ही भूमिका साकारतात.आई कुठे काय करते मालिकेमधील त्यांच्या अनिरुद्ध ही भूमिका मिलिंद गवळी हे साकारतात. तर संजना ही भूमिका अभिनेत्री रूपाली भोसले ही साकारते. आई कुठे काय करते या मालिकेच्या आगामी एपिसोडची प्रेक्षक उत्सुकतेने वाट बघतात.
इतर महत्वाच्या बातम्या: