Marathi Serial : मराठी मालिका (Marathi Serial) विश्वात नवनवीन प्रयोग होत असतात. प्रेक्षकांना मालिकेत खिळवून ठेवण्यासाठी निर्माते सतत मालिकेत नवीन ट्विस्ट आणत असतात. मालिकांसोबतच मालिकांच्या टीआरपी रेटिंगकडेदेखील प्रेक्षकांचे लक्ष लागलेले असते. टीआरपी रिपोर्टमध्ये अनेकदा चढ-उतार पाहायला मिळत असतो. नुकताच या आठवड्याचा टीआरपी रिपोर्ट समोर आला आहे. टॉप 10 मालिका कोणत्या आहेत, जाणून घ्या...
1. टीआरपीच्या शर्यतीत 'ठरलं तर मग' ही मालिका पहिल्या क्रमांकावर आहे. या मालिकेला 6.8 रेटिंग मिळाले आहे.
2. 'आई कुठे काय करते' ही मालिका सध्या लोकप्रियतेच्या शिखरावर असून ही मालिका टीआरपीच्या रेसमध्ये दुसऱ्या स्थानावर आहे. या मालिकेला 6.5 रेटिंग मिळाले आहे.
3. टीआरपी लिस्टमध्ये 'सुख म्हणजे नक्की काय असतं' ही मालिका तिसऱ्या स्थानावर आहे. या मालिकेला 6.4 रेटिंग मिळाले आहे.
4. 'रंग माझा वेगळा' ही मालिका टीआरपी रिपोर्टनुसार चौथ्या स्थानावर आहे. या मालिकेला 6.2 रेटिंग मिळाले आहे.
5. 'तुझेच मी गीत गात आहे' हा कार्यक्रम टीआरपीच्या शर्यतीत पाचव्या स्थानावर आहे. टीआरपी रिपोर्टनुसार या मालिकेला 5.9 रेटिंग मिळाले आहे.
6. 'ठिपक्यांची रांगोळी' हा कार्यक्रम सहाव्या क्रमांकावर आहे. या मालिकेला 5.7 रेटिंग मिळाले आहे.
7. टीआरपीच्या शर्यतीत 'स्वाभिमान' ही मालिका सातव्या क्रमांकावर आहे. या मालिकेला 4.8 रेटिंग मिळाले आहे.
8. 'सहकुटुंब सहपरिवार' ही मालिका टीआरपी रिपोर्टमध्ये आठव्या क्रमांकावर आहे. या मालिकेला 4.6 रेटिंग मिळाले आहे.
9. नव्या स्थानावर 'अबोली' ही मालिका आहे. या मालिकेला 4.2 रेटिंग मिळाले आहे.
10. 'लग्नाची बेडी' ही मालिका टीआरपीच्या शर्यतीत दहाव्या क्रमांकावर आहे. या मालिकेला 3.1 रेटिंग मिळाले आहे.
'आई कुठे काय करते' पडली मागे
'आई कुठे काय करते' ही छोट्या पडद्यावरील मालिका अल्पावधीतच प्रेक्षकांच्या पसंतीस उतरली होती. टीआरपीच्या शर्यतीत ही मालिका पहिल्या क्रमांकावर होती. पण मालिकेचं कथानक कुठे तरी कंटाळवाणं व्हायला लागलं आणि ही मालिका पाहण्याचं प्रेक्षकांनी कमी केलं. त्यामुळे मालिकेचा टीआरपी कमी झाला. आता निर्माते या मालिकेत नव-नवे ट्वीस्ट आणत आहेत. पण तरीही ही मालिका टीआरपीच्या शर्यतीत मागे पडली आहे.
अवधूत गुप्तेचा 'खुपते तिथे गुप्ते' हा कार्यक्रमदेखील लवकरच प्रेक्षकांच्या भेटीला येणार आहे. जुने कार्यक्रम पुन्हा एकदा सुरू होत असल्याने प्रेक्षकांना घरबसल्या मनोरंजनाची मेजवानी मिळणार आहे.
संबंधित बातम्या