Aai Kuthe Kay Karte : 'आई कुठे काय करते'मालिकेत नवा ट्वीस्ट; वीणा अनिरुद्धला दाखवणार त्याची जागा

Aai Kuthe Kay Karte : 'आई कुठे काय करते'च्या आगामी भागात वीणा अनिरुद्धला त्याची जागा दाखवताना दिसणार आहे.

Aai Kuthe Kay Karte

Aai Kuthe Kay Karte Marathi Serial Latest Update : 'आई कुठे काय करते' (Aai Kuthe Kay Karte) ही मालिका सध्या चर्चेत आहे. मालिकेत सध्या ईशा आणि अनिषच्या लग्नाची गडबड सुरू आहे. दरम्यान मालिकेत आता अरुंधतीच्या नव्या नणंदेची एन्ट्री झाली आहे. वीणाच्या येण्याने मालिकेत नवा ट्वीस्ट आला आहे. आता मालिकेच्या आगामी भागात वीणा अनिरुद्धला त्याची जागा दाखवताना दिसणार आहे. 

'आई कुठे काय करते' (Aai Kuthe Kay Karte) या मालिकेत आता आशुतोषच्या मानलेल्या बहिणीची एन्ट्री झाली आहे. या बहिणीचं नाव वीणा असं आहे. ईशा आणि अनिशच्या साखरपुड्यात वीणा हजेरी लावणार आहे. वीणा ही अनिरुद्धची बिझनेस पार्टनर असल्याने तिच्या एन्ट्रीने मालिकेत मोठा ट्वीस्ट येणार आहे. 

वीणाच्या येण्याने अनिरुद्ध, आशुतोष आणि अरुंधती यांच्यात वाद होतील, असा अंदाज वर्तवला जात होता. पण 'आई कुठे काय करते' या मालिकेचा एक प्रोमो सध्या सोशल मीडियावर व्हायरल होत आहे. या प्रोमोमध्ये वीणा अनिरुद्धला त्याची जागा दाखवताना दिसत आहे.

 

 

 

 

 

View this post on Instagram

 

 

 

 

 

 

 

 

 

 

 

A post shared by सीरियल जत्रा (@serialjatra)

प्रोमोमध्ये काय आहे?

प्रोमोमध्ये वीणा आशुतोषसोबत बोलताना दिसत आहे. ती म्हणत आहे,"बाबांचा बिझनेस आता मी सांभाळणार आहे. अनिरुद्धदेखील माझ्या मदतीला आहे. तुला चालेल ना?". दरम्यान त्या दोघांचं बोलणं सुरू असताना अनिरुद्ध येतो आणि म्हणतोय,"माफ करा... मी मध्ये बोलतोय. पण यांना विचारण्याची काही गरज नाही. आता तू एकटी नाहीस... मी आहे तुझ्यासोबत". त्यावर वीणा अनिरुद्धला सुनावते. ती म्हणते,"आशु मला सख्ख्या भावासारखा आहे. त्यामुळे त्याला विचारल्याशिवाय मी कोणताही निर्णय घेणार नाही". 

अनिरुद्धला वीणाकडून खूप अपेक्षा आहेत. पण वीणा मात्र त्याच्या विरुद्ध वागताना दिसत आहे. वीणा आशुतोषचं मत विचारात घेत असल्याचं पाहिल्यावर अनिरुद्धलादेखील शॉक बसतो. आता वीणाच्या एन्ट्रीने मालिकेत काय ट्वीस्ट येणार? वीणाचा वापर करुन अनिरुद्ध काय नवी खेळी खेळणार याची मालिकाप्रेमींना उत्सुकता लागली आहे. 

संबंधित बातम्या