Majhi Tujhi Reshimgath : 'माझी तुझी रेशीमगाठ' मालिकेत नवा ट्विस्ट; विश्वजीत काकांच्या प्लॅनमध्ये यश फसला

Majhi Tujhi Reshimgath : 'माझी तुझी रेशीमगाठ' मालिकेच्या आगामी भागात नेहा आणि यशमध्ये बट्टी झालेला पाहायला मिळणार आहे.

Majhi Tujhi Reshimgath

Majhi Tujhi Reshimgath : 'माझी तुझी रेशीमगाठ' (Majhi Tujhi Reshimgath) ही छोट्या पडद्यावरची लोकप्रिय मालिका आहे. सध्या मालिकेत नव-नविन ट्विस्ट येत आहेत. मालिकेच्या आगामी भागात विश्वजीत काकांच्या प्लॅनमध्ये यश फसलेला दिसून येणार आहे. तसेच नेहा आणि यशमध्येदेखील बट्टी झालेली पाहायला मिळणार आहे. 

'माझी तुझी रेशीमगाठ' मालिकेत नेहाने यशसोबत अबोला धरला आहे. यशने 25 अलॉर्म लावले होते. त्यामुळे नेहाची झोपमोड झाली. त्यानंतर नेहाचं यशसोबत जोरदार भांडण झालं. नेहाने यशसोबत बोलायला नकार दिला आहे. पण हा सर्व विश्वजीत काकांचा प्लॅन असल्याचं अखेर शेफालीने यशला सांगितलं आहे. त्यामुळे आता विश्वजीत काकांच्या प्लॅनमध्ये यश फसणार आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Majhi Tujhi Reshimgath Fanpage❤ (@neyash.wedding_official)

'माझी तुझी रेशीमगाठ' मालिकेत नेहा-यशचं लग्न झाल्यापासून त्यांना अनेक अडचणींचा सामना करावा लागत आहे. आता दोघांमध्ये कोणतं विघ्न येणार याकडे प्रेक्षकांचं लक्ष लागलं आहे. मालिकेची आता वेळ बदलली असली तरी लवकरच ही मालिका प्रेक्षकांचा निरोप घेणार असल्याचं म्हटलं जात आहे. 

'माझी तुझी रेशीमगाठ' आता पाहा नव्या वेळेत

'माझी तुझी रेशीमगाठ' या मालिकेचा 17 सप्टेंबरला शेवटचा भाग प्रसारित होणार आहे. मालिकेचं शूटिंगदेखील पूर्ण झालं होतं. 'माझी तुझी रेशीमगाठ' मालिका बंद होणार असल्याने प्रेक्षक नाराज झाले होते. पण मालिकेची लोकप्रियता आणि प्रेक्षकांच्या आग्रहाखातर ही मालिका पुन्हा एकदा सुरू करण्याचा निर्णय निर्मात्यांनी घेतला आहे.

'माझी तुझी रेशीमगाठ' या मालिकेत प्रार्थना बेहरे (Prarthana Behere), श्रेयस तळपदे (Shreyas Talpade) आणि मायरा वायकुळ (Mayra Vaikul) मुख्य भूमिकेत आहेत. सध्या ही मालिका प्रेक्षकांच्या मनावर अधिराज्य गाजवत आहे. 'माझी तुझी रेशीमगाठ' या मालिकेजागी आता 'दार उघड बये' ही मालिका प्रेक्षकांच्या भेटीला येणार आहे.  ही मालिका 19 सप्टेंबरपासून सोमवार ते शनिवार रात्री 8.30  वाजता प्रेक्षकांच्या भेटीस येणार आहे.

संबंधित बातम्या