Sushma Murudkar: हिंदी मालिकेच्या सेटवर मराठी अभिनेत्रीचा अपमान; 'गावठी मराठी नको, हिंदी प्रॉपर बोला', दिग्दर्शकाचा संताप

Sushma Murudkar Shares Shocking Experience: सुषमा मुरुडकरने हिंदी मालिकेच्या सेटवरील अपमानास्पद अनुभव पहिल्यांदाच उघड केला.

Sushma Murudkar Opens Up About Public Insult

Source : canva

Sushma Murudkar: मराठी अभिनेत्री सुषमा मुरुडकरने (Sushma Murudkar) आपल्या अभिनयातून प्रेक्षकांच्या मनात स्थान निर्माण केलं आहे. तिला झी मराठीवरील  'कमळी' मालिकेमधील रागिणी महाजन या भूमिकेमुळे प्रसिद्धी मिळाली.  तिनं मराठीसह हिंदी मालिकेतही काम केलं आहे. हिंदी मालिकेत काम करत असताना अभिनेत्रीला धक्कादायक अनुभव आला होता. अलिकडेच रागिणी महाजनने राजश्री मराठीला मुलाखत दिली होती. या मुलाखतीत तिनं हिंदी मालिकेत काम करतानाचा अनुभव शेअर केला आहे. अभिनेत्रीला अपमान सहन करावा लागला होता. नेमकं काय घडलं? अभिनेत्रीने मुलाखतीत किस्सा शेअर केला.

हिंदी मालिका करताना मराठी अभिनेत्रीला आल्या अडचणी (Sushma Murudkar Opens Up About Public Insult)

मुलाखतीत अभिनेत्री म्हणाली, 'मी कुंडली भाग्य ही मालिका करत होते. हिंदी मालिका करत असताना Accentची थोडी गडबड व्हायची.   मी इथे आणि डायरेक्टर लांब माईक घेऊन बसला होता. माझी थोडी भाषेची गडबड झाली. तिथे जवळजवळ 200 लोक उपस्थित होते. 'आपकी गावठी मराठी नही चाहीए, हिंदी प्रॉपर बोलो.  एवढा अपमान मी सहन केलाय, मी ओके सर म्हणाले.  एवढं बोलून मी माझा शॉट दिला आणि तो शॉट परफेक्ट झाला'.

 

 

 

 

 

 

View this post on Instagram

 

 

 

 

 

 

 

 

 

 

 

A post shared by Sushma Jaywant (@sushmajaywant)

'अशा गोष्टी होतात. आपण पटकन फ्लोमध्ये चुकीचं हिंदी बोलून जातो. उच्चारांचा प्रॉब्लेम होतो. मराठी मालिकेतही अशा चुका झाल्या आहेत. काही वर्षे मी अनेक हिंदी मालिका केल्या. माझं हिंदी परफेक्ट झालं. पण मराठी बोलण्याची पद्धत थोडी वीक झाली होती. हिंदी मालिकेनंतर मी मराठी इंडस्ट्रीत गेले होते. मराठीत मला एकानं सांगितलं की, तू मुक्याची भूमिका उत्तम साकारू शकतेस, तुझे एक्सप्रेशन कमाल आहेत. पण तुला मराठी स्पष्ट बोलता येत नाही', असं अभिनेत्री म्हणाली.

'पण मालिकेतील निर्माते खूप चांगले होते. त्यांनी मला काही टिप्स दिल्या. त्यातून काही सुधारणा केल्या.  लग्नाची बेडी या मालिकेपर्यंत माझी बरीच प्रॅक्टिस झाली होती', असं अभिनेत्री म्हणाली. 'अशावेळी जेव्हा माझं मनोबल कमी होतं, तेव्हा मी स्वत:ला Iam The Best असं म्हणते.  पॉझिटिव्ह विचार करते. स्वत:ला बिल्ड करते', असं सुषमा म्हणाली.

महत्त्वाच्या इतर बातम्या: