Sufyan Nadiadwala Looks Like Salman Khan: 'सलमान खानचा लेक असता, तर सेमटू सेम...'; 'या' स्टारकीडला पाहून लोकांचे डोळे फिरले, आठवला तरुणपणीचा भाईजान VIDEO
Sufyan Nadiadwala Looks Like Salman Khan: व्हायरल होणाऱ्या व्हिडीओमधला स्टारकीड आहे, सूफयान नाडियाडवाला, प्रसिद्ध सिनेनिर्माता साजिद नाडियाडवाला याचा लेक.
Sufyan Nadiadwala Looks Like Salman Khan: बॉलिवूडचा (Bollywood News) दबंग भाईजान सलमान खान (Salman Khan) याच्या लग्नाच्या चर्चा म्हणजे, चाहत्यांचा आवडता विषय. विषय कुणाच्याही लग्नाचा असो, चाहत्यांना आजही वयाची साठी गाठलेल्या सलमान खानच्या लग्नाची चिंता सतावते. तसं पाहिलं तर, आजही सलमान खान कित्येक तरुणींच्या गळ्यातील ताईत आहे. पण, तुम्हाला माहितीय का? सध्या सोशल मीडियावर सलमान खानचीच (Actor Salman Khan) चर्चा रंगली आहे. यावेळी मात्र, त्याच्या लग्नाची नाहीतर जर त्याचं लग्न झालं असतं, तर त्याचा लेक कसा दिसला असता याची चर्चा रंगल्याचं पाहायला मिळतंय. त्यासाठी कारण ठरतोय, एका स्टारकीडचा व्हायरल होणारा व्हिडीओ. या स्टारकीडला पाहून लोकांना आज जर सलमान खानचं लग्न झालं असतं आणि त्याचा लेक असता तर तो सेम टू सेम याच्यासारखाच दिसला असता, असं म्हणतायत.
सध्या सोशल मीडियावर एका स्टारकीडनं धुमाकूळ घातला आहे. ज्यामुळे सारेच अवाक् झालेत. व्हायरल होणाऱ्या व्हिडीओमधला स्टारकीड आहे, सूफयान नाडियाडवाला (Sufyan Nadiadwala), प्रसिद्ध सिनेनिर्माता साजिद नाडियाडवाला (Sajid Nadiadwala) याचा लेक. याचा व्हिडीओ सोशल मीडियावर वेगानं व्हायरल होतोय. ज्याक्षणी सूफयान नाडियाडवाला (Sufyan Nadiadwala Viral Video) कॅमेऱ्यासमोर आला, त्या क्षणापासून लोकांना त्याच्यात नव्वदच्या दशकातला सलमान खान दिसला. त्याच्या व्हायरल व्हिडीओवर युजर्सच्या कमेंट्सचा पाऊस पडतोय. अनेकांनी तर सलमान खानचा लेक असता तर तो सेम टू सेम असाच दिसला असता, असं म्हटलंय.
View this post on Instagram
सूफयान नाडियाडवालाचा लूक (Sufyan Nadiadwala Look)
सुफियान मुंबईतील एका 'स्क्रीनिंग'वेळी दिसून आला, जिथे त्यानं पॅपाराझींसाठी पोझही दिल्या. या इव्हेंट दरम्यानचा त्याचा लूक आणि वावर खरोखरंच पाहण्यासारखा होता. त्यानं जीन्सवर निळ्या रंगाचा 'फिटेड' टी-शर्ट परिधान केला होता आणि कानात बाली घालून आपला लूक पूर्ण केलेला. सूफयान नाडियाडवालाचा हा लूक अगदी नव्वदच्या काळातल्या सलमान खानच्या लूकशी मिळता-जुळता होता. सूफयान नाडियाडवालाच्या व्हिडीओवर युजर्सनी कमेंटचा वर्षाव केलाय.
सोशल मीडियावर युजर्सकडून कमेंट्सचा पाऊस (Sufyan Nadiadwala Look Like Salman Khan)
व्हिडीओ समोर येताच सोशल मीडियावर कमेंट्सचा पाऊस आला. अनेकांनी त्याला सलमान खानचं यंग वर्जन म्हटलं, तर कुणी त्याचे जेनेटिक्स सेम टू सेम सलमान खान सारखेच असल्याचं म्हटलंय. अनेकांनी त्याची तुलना त्याचे वडील साजिद नाडियाडवाला यांच्याशीसुद्धा केलीय. तर अनेकांनी हॉलिवूड स्टार्सशी मिळती-जुळती पर्सनॅलिटी असल्याचं म्हटलंय.
सूफयान नाडियाडवाला करतो काय? (Who Is Sufyan Nadiadwala?)
सूफयान, साजिद नाडियाडवाला आणि वर्धा नाडियाडवाला यांचा लहान लेक आहे. त्यांचा मोठा भाऊ सुब्हान सुद्धा लवकरच बॉलिवूडमध्ये पाऊल ठेवणार आहे आणि त्याची फिल्म 'ऐसी दीवानगी' चर्चेत आहे. सध्या सुफियानचा सिनेसृष्टीत डेब्यू करण्याचा कोणताही प्लान नसला, तरी त्याच्या पर्सनॅलिटीनं ज्या प्रकारे लोकांचं लक्ष वेधून घेतलंय, ते पाहता जर त्यानं या क्षेत्रात पाऊल ठेवलं, तर त्याला चाहत्यांकडून प्रचंड पाठिंबा मिळू शकतो, यात शंकाच नाही.
महत्त्वाच्या इतर बातम्या :
महत्त्वाच्या बातम्या
