Actress Sonam Khan Struggle Life: 16 व्या वर्षी इंडस्ट्रीत डेब्यू, कामचं असं केलं की, रातोंरात चर्चेत आली; 20 व्या वर्षी झाली आई, तेव्हापासूनच इंडस्ट्रीतून गायब 'ही' अभिनेत्री
Actress Sonam Khan Struggle Life: एक दिवस ही अभिनेत्री अचानक इंडस्ट्रीतून गायब झाली. अधूनमधून तिच्या कमबॅकच्या चर्चा रंगतात, पण प्रत्येक वेळी चाहत्यांच्या पदरी निराशाच येते.
Actress Sonam Khan Struggle Life: बॉलिवूडशी (Bollywood News) जोडलेली काही जुनी नावं अशी असतात, जी ऐकून जुन्या फिल्म्स (Hindi Films) किंवा जुनी गाणी आठवतात. खासकरुन जर तुम्ही नव्वदच्या दशकातले सिनेमे (Movies From Nineties) पाहिले असतील, तर त्या काळातल्या काही अभिनेत्रींना विसरणं तसं कठीणच आहे. आज नव्वदच्या दशकातल्या अशाच एका अभिनेत्रीबाबत (Bollywood Actress) आम्ही सांगणार आहोत. या अभिनेत्रीनं अवघ्या 16 व्या वर्षी इंडस्ट्रीत पाऊल ठेवलं आणि आपल्या मोहक अदांनी प्रेक्षकांची मनं जिंकून घेतली. तिची काही गाणीसुद्धा आजही लोकांना ठेका धरायला लावतायत. मात्र, एक दिवस ही अभिनेत्री अचानक इंडस्ट्रीतून गायब झाली. अधूनमधून तिच्या कमबॅकच्या चर्चा रंगतात, पण प्रत्येक वेळी चाहत्यांच्या पदरी निराशाच येते.
वयाच्या 16 व्या वर्षी डेब्यू (Actress Sonam Khan Life Story)
आम्ही ज्या अभिनेत्रीबाबत सांगतोय, ती दुसरी-तिसरी कुणी नसून अभिनेत्री सोनम खान आहे. तिचं खरं नाव बख्तावर खान (Bakhtawar Khan). अगदी लहान वयात तिनं बॉलिवूडमध्ये एन्ट्री केली आणि ऋषी कपूर यांच्यासोबत 'विजय' सिनेमातून करिअरची सुरुवात केलीय. या सिनेमातला तिचा ग्लॅमरस अंदाज त्या काळात खूपच बोल्ड मानला गेला आणि प्रेक्षक तिच्याकडे आकर्षित झाले. त्यानंतर 1989 मध्ये आलेल्या 'त्रिदेव' या सिनेमानं तिला रातोरात स्टार बनवलं. या सिनेमातील तिचा मॉडर्न लूक आणि 'तिरछी टोपी वाले' हे गाणं प्रचंड हिट ठरलं. या एका गाण्यानंच तिला घराघरात ओळख मिळवून दिली. पुढे तिनं 'विश्वात्मा', 'अजूबा', 'गोला बारूद', 'फतेह', 'क्रोध' आणि 'मिट्टी और सोना' यांसारख्या सिनेमांमध्ये काम केलंय.
लग्न केलं अन् इंडस्ट्रीपासून दुरावली 'ही' अभिनेत्री (Actress Sonam Khan Movies)
'त्रिदेव'नंतर सोनम अचानक सिनेसृष्टीतून दूर झाली. या सिनेमाच्या शूटिंगदरम्यान दिग्दर्शक राजीव राय आणि सोनम यांच्यात जवळीक वाढली. काही काळ एकमेकांना डेट केल्यानंतर दोघांनी लग्न केलं. त्या वेळी सोनम सुमारे 20 वर्षांची होती. लग्नानंतर राजीव राय परदेशात स्थायिक झाले आणि सोनमनंही इंडस्ट्रीपासून अंतर ठेवलं. त्यांना एक मुलगा आहे. मात्र लग्नाच्या जवळपास 20 वर्षांनंतर दोघांचा घटस्फोट झाला. त्यानंतर सोनम आपल्या मुलासोबत भारतात परतली. आजही तिच्या कमबॅकच्या चर् अधूनमधून सुरू असतात, पण प्रत्यक्षात ती अद्याप पडद्यावर दिसलेली नाही. 'बिग बॉस ओटीटी'मध्ये ती सहभागी होणार असल्याच्या चर्चांनीही दरम्यानच्या काळात जोर धरलेला,पण त्या फक्त चर्चाच राहिल्या.
महत्त्वाच्या इतर बातम्या :
महत्त्वाच्या बातम्या
