Star Pravah New Marathi Serial Bai Tujha Ashirvad: 'आनंदी'नंतर आता स्टार प्रवाहवर आणखी एक नवी मालिका; नवोदित अभिनेत्री झळकणार मुख्य भूमिकेत
Star Pravah New Marathi Serial Bai Tujha Ashirvad: स्टार प्रवाहवर लवकरच सुरु होतेय नवी मालिका 'बाई तुझा आशीर्वाद'. घराला घरपण देणारी स्त्री म्हणजेच 'बाई' या मालिकेच्या केंद्रस्थानी आहे.
Star Pravah New Marathi Serial Bai Tujha Ashirvad: नुकतीच स्टार प्रवाहवर (Star Pravah) 'आनंदी' (Marathi Serial Anandi) ही नवी मालिका सुरू झाली आहे. सोमवारी या मालिकेचा पहिला भाग प्रसारित झाला आणि प्रेक्षकांकडून या मालिकेवर कौतुकाचा वर्षाव करण्यात आला. अशातच आता स्टार प्रवाहवर आणखी एक नवी मालिका सुरू होतेय. या मालिकेच्या प्रोमोनं सर्वांचं लक्ष वेधलं आहे. तसेच, मालिकेचं नावंही तेवढंच हटके आहे. त्यामुळे प्रेक्षकांना नव्या मालिकेबाबत उत्सुकता लागली आहे.
स्टार प्रवाहवर लवकरच सुरु होतेय नवी मालिका 'बाई तुझा आशीर्वाद' (Bai Tujha Ashirvad). घराला घरपण देणारी स्त्री म्हणजेच 'बाई' या मालिकेच्या केंद्रस्थानी आहे. ज्या घराला बाईच्या असण्याचीच सवय नाही, अशा पूर्णपणे पुरुषप्रधान घरात अवनीचं आगमन होतं… आणि तिथूनच सुरू होतो नात्यांचा नवा प्रवास. तिच्या येण्याने त्या घरात फक्त एक व्यक्ती नाही, तर समज, संवाद, आपुलकी आणि घरपण येतं. घराला घरपण देणाऱ्या अवनीची भूमिका साकारणार आहे नवोदित अभिनेत्री अक्षता अनिता प्रमोद.
रुईया कॉलेजमधून फिलॉसॉफी विषय़ात ड्रिग्री घेतलेल्या अवनीला लहानपणापासूनच अभिनय क्षेत्र खुणावत होतं. 7 वर्षांची असतानाच तिने कथ्थक शिकायला सुरुवात केली. अवनीच्या नृत्यकलेतूनच तिला तिच्या आयुष्यातली 'स्टार' ही पहिली एकांकिका मिळाली. ही एकांकिका खूप गाजली. त्यानंतर गुड बाय किस, अत्तरमन अश्या अनेक एकांकिका अवनीने केल्या. याच दरम्यान तिला बाई तुझा आशीर्वाद या मालिकेतल्या अवनी या मुख्य नायिकेच्या भूमिकेसाठी विचारणा झाली. अवनी दिसायला सुंदर... बोलायला लाघवी... मीतभाषी. घरात आई-बाबांची लाडकी असली तरी तिला आई-वडिलांच्या प्रेमळ शब्दांपुढे आपला हट्ट रेटता येत नाही. अवनी आपल्या स्वप्नांचा पाठलाग कसा करणार याची गोष्ट मालिकेतून उलगडेल.
अवनी या भूमिकेप्रमाणेच अक्षता देखिल खूप महत्त्वाकांक्षी आहे. खऱ्या आयुष्यातही अभ्यासात प्रचंड हुशार आणि सतत नवं काहीतरी करण्याची धडपड यामुळेच अवनी हे पात्र खूप भावल्याचं अक्षता म्हणते. त्यामुळेच ही मालिका केवळ एक अभिनयाची संधी नसून स्वत:ला व्यक्त करायची संधी असल्याची भावना अवनीनं व्यक्त केलीय.
महत्त्वाच्या इतर बातम्या :
महत्त्वाच्या बातम्या
