Samantha Ruth Parbhu : ‘साऊथ क्वीन’ अभिनेत्री समंथा रुथ प्रभू (Samantha Ruth Parbhu) गेल्या काही दिवसांपासून तिच्या वैयक्तिक आयुष्यामुळे खूप चर्चेत आहे. काही काळापूर्वी तिचा अभिनेता नागा चैतन्यसोबत (Naga Chaitanya) घटस्फोट झाला होता. अशा परिस्थितीत आता अभिनेत्रीची काही जुनी वक्तव्ये आणि किस्से सोशल मीडियावर चर्चेत येत राहतात. समंथाशी संबंधित अशीच एक गोष्ट आता समोर आली आहे.
समंथा तिच्या करिअरमध्ये झपाट्याने प्रगती करत आहे यात शंका नाही. 'फॅमिली मॅन 2' सिरीज रिलीज झाल्यापासून ती हिंदीतही यशाच्या दिशेने वाटचाल करू लागली आहे. या सिरीजच्या प्रमोशनदरम्यान तिने अनेक मुलाखती दिल्या. यापैकी एकामध्ये तिने बॉलिवूडमध्ये आपल्या आवडत्या अभिनेत्यासोबत काम करण्याची इच्छाही व्यक्त केली होती. वास्तविक, जेव्हा समंथाला मुलाखतीत विचारण्यात आले की, जर तिला बॉलिवूड चित्रपट मिळाला तर, तिला कोणत्या बॉलिवूड स्टारसोबत पडद्यावर रोमान्स करायला आवडेल. याला उत्तर देताना तिने सांगितले की, तिला पडद्यावर रणबीर कपूरसोबत रोमान्स करायचा आहे.
रणबीर कपूर हा अभिनेत्रीचा आवडता अभिनेता असल्याचे तिच्या बोलण्यातून स्पष्ट होते. या मुलाखतीदरम्यान समंथाने खुलासा केला की, एकेकाळी तिला अनेक हिंदी चित्रपटांच्या ऑफर्स आल्या होत्या. परंतु, भाषेच्या समस्येमुळे तिने चित्रपट करण्यास नकार दिला होता.
मात्र, समंथाने बॉलिवूडमध्ये पाऊल ठेवले नसले, तरी साऊथमध्ये काम करून तिने इतके नाव कमावले आहे की, आज ती सर्वांचीच आवडती अभिनेत्री बनली आहे. 'पुष्पा' चित्रपटातील 'ऊ अंटवा' या आयटम साँगची लोकांमध्ये असलेली क्रेझ हे सध्याचे सर्वात मोठे उदाहरण आहे.
हेही वाचा :
- Lock Upp : ‘ना चलेगी भाईगिरी, ना पापा का पैसा’, कंगनाच्या नव्या शोचा धमाकेदार टीझर पाहिलात?
- Vishal Nikam : औक्षण,आशिर्वाद,आपलेपणा! ‘बिग बॉस मराठी 3’ विजेता विशाल निकमने कुटुंबासोबत साजरा केला वाढदिवस
- Kangana Ranaut On Hijab Row : ‘हिंमत दाखवायची असेल तर अफगाणिस्तानात...’, कर्नाटक हिजाब प्रकरणावर संतापली कंगना!
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha