Sonakshi Sinha,Salman Khan :  बॉलिवूडमधील प्रसिद्ध अभिनेता सलमान खान (Salman Khan) आणि अभिनेत्री सोनाक्षी सिन्हा (Sonakshi Sinha) यांचा काही दिवासांपूर्वी एक फोटो व्हायरल झाला होता. त्या फोटोमध्ये सलमान हा सोनाक्षीला अंगठी घालताना दिसत आहे. त्यामुळे सलमान आणि सोनाक्षीनं गुपचूप  लग्न केलं आहे का? असा प्रश्न नेटकऱ्यांना पडला होता. या प्रश्नाचं आत्ता सोनाक्षीनं उत्तर दिलं आहे. सलमान आणि तिच्या व्हायरल झालेल्या फोटोवर सोनाक्षीनं प्रतिक्रिया दिली. 


व्हायरल झालेल्या फोटोबद्दल सोनाक्षी म्हणाली, 'तुम्ही सर्व वेडे आहात का? एडिट केलेला फोटो तुम्हाला कळत नाही?' व्हायरल झालेल्या फोटोमध्ये सोनाक्षी ही रेड कलरची साडी, गोल्ड ज्वेलरी आणि सिंदूर अशा लूकमध्ये दिसत आहे. तर सलमान हा व्हाईट शर्ट आणि क्रिम कलरचा ब्लेजर अशा लूकमध्ये दिसत आहे. 


2010 मध्ये प्रदर्शित झालेल्या दबंग चित्रपटामधून सोनाक्षीनं बॉलिवूडमध्ये पदार्पण केलं. या चित्रपटातील सोनाक्षी आणि सलमान खान यांच्या केमिस्ट्रीला प्रेक्षकांची पसंती मिळाली. या दोघांच्या अफेअरबाबत त्यावेळी चर्चा सुरू होत्या. 


सोनाक्षीसोबतच सलमान खानचं अभिनेत्री जॅकलिन फर्नांडिस आणि  ऐश्वर्या राय या अभिनेंत्रीसोबत देखील नाव जोडण्यात आलं होतं. लवकरच सलमानचा टायगर -3 हा चित्रपट प्रेक्षकांच्या भेटीस येणार आहे. तसेच सलमानच्या दबंग, बजरंगी भाईजान,अंतिम-द फायनल ट्रुथ, मैने प्यार किया, एक था टायगर, टायगर जिंदा है या चित्रपटांना प्रेक्षकांची विशेष पसंती मिळाली.


महत्वाच्या बातम्या 



LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha