![ABP Premium](https://cdn.abplive.com/imagebank/Premium-ad-Icon.png)
Ata Hou De Dhingana : स्टार प्रवाहवर 10 सप्टेंबरपासून सुरु होतोय नवा कार्यक्रम ‘आता होऊ दे धिंगाणा’; तब्बल 11 वर्षांनंतर सिद्धार्थ दिसणार छोट्या पडद्यावर
Ata Hou De Dhingana : सुप्रसिद्ध अभिनेता सिद्धार्थ जाधव स्टार प्रवाह वाहिनीवरील आता होऊ द्या या कार्यक्रमाचं सूत्रसंचालन करणार आहे.
![Ata Hou De Dhingana : स्टार प्रवाहवर 10 सप्टेंबरपासून सुरु होतोय नवा कार्यक्रम ‘आता होऊ दे धिंगाणा’; तब्बल 11 वर्षांनंतर सिद्धार्थ दिसणार छोट्या पडद्यावर Siddharth jadhav upcoming show Ata Hou De Dhingana will be seen in small screen marathi news Ata Hou De Dhingana : स्टार प्रवाहवर 10 सप्टेंबरपासून सुरु होतोय नवा कार्यक्रम ‘आता होऊ दे धिंगाणा’; तब्बल 11 वर्षांनंतर सिद्धार्थ दिसणार छोट्या पडद्यावर](https://feeds.abplive.com/onecms/images/uploaded-images/2022/08/25/40984da775d07ecd5b0fb4b37775c7201661431380566358_original.jpg?impolicy=abp_cdn&imwidth=1200&height=675)
Ata Hou De Dhingana : स्टार प्रवाह (Star Pravah) वाहिनी नेहमीच वेगवेगळ्या कार्यक्रमांच्या माध्यमातून प्रेक्षकांचं मनोरंजन करत असते. याच वाहिनीवर येत्या 10 सप्टेंबरपासून ‘आता होऊ दे धिंगाणा' हा भन्नाट कार्यक्रम प्रेक्षकांच्या भेटीला येणार आहे. अभिनेता सिद्धार्थ जाधव या कार्यक्रमाचं सूत्रसंचालन करणार आहे. जेव्हा जेव्हा कुटुंब एकत्र येतं आणि विसाव्याचे काही क्षण मिळतात तेव्हा अंताक्षरी रंगल्याशिवाय राहत नाही. स्टार प्रवाहचा हा नवा कोरा कार्यक्रम म्हणजे अंताक्षरीचा भन्नाट प्रयोग म्हणता येईल. मराठी परंपरा, मराठी प्रवाह हे ब्रीदवाक्य जपणाऱ्या स्टार प्रवाहच्या या नव्या कार्यक्रमातही मराठी गाण्यांचा आस्वाद घेता येईल. स्टार प्रवाह परिवारातल्या दोन मालिकांच्या टीममध्ये ही अनोखी सांगितिक लढत रंगणार आहे. पण हा नुसता म्युझिकल कार्यक्रम नाही. तर, बरेच भन्नाट टास्क आणि कलाकारांच्या पडद्यामागच्या गमती जमतीही या मंचावर उलगडणार आहेत.
सिद्धार्थ जाधव करणार कार्यक्रमाचं सूत्रसंचालन :
या कार्यक्रमाचं सूत्रसंचालन अभिनेता सिद्धार्थ जाधव करणार असून तब्बल 11 वर्षांनंतर तो स्टार प्रवाहसोबत पुन्हा जोडला जाणार आहे. या कार्यक्रमासाठी तो अतिशय उत्सुक असून अशा पद्धतीच्या कार्यक्रमाची मी वाट पहात होतो असं सिद्धार्थ म्हणाला. पुढे तो म्हणाला, "या कार्यक्रमात म्युझिक आहे, मस्ती आहे आणि एक वेगळा धिंगाणा आहे. प्रेक्षकांचं वेगवेगळ्या पद्धतीने मनोरंजन करायला मला आवडतं. आता होऊ दे धिंगाणा हा कार्यक्रम म्हणजे फक्त गाण्याचा कार्यक्रम नाही तर यातल्या काही गोष्टी प्रेक्षकांना नवं सरप्राईज देतील. प्रत्येक कलाकाराचं स्वप्न असतं की आपली छाप पाडणारा एक कार्यक्रम असावा. हा कार्यक्रम त्याच धाटणीचा आहे. या कार्यक्रमात सहभागी होणारा प्रवाह परिवार या शो ला वेगळ्या उंचीवर नेतो. या सगळ्यांकडून नवी ऊर्जा मिळते. स्टार प्रवाह वाहिनीला फक्त महाराष्ट्रातूनच नाही तर जगभरातून प्रेम मिळत आहे. या कुटुंबाचा भाग होताना अतिशय आनंद आणि अभिमान वाटतोय."
सिद्धार्थ जाधवची एनर्जी आणि प्रवाह परिवाराचा धिंगाणा एकत्र अनुभवायचा असेल तर 'होऊ दे धिंगाणा' हा कार्यक्रम नक्की पाहा. स्टार प्रवाहचा हा अनोखा आणि भन्नाट कार्यक्रम ‘आता होऊ दे धिंगाणा’ 10 सप्टेंबरपासून दर शनिवार आणि रविवार रात्री 9 वाजता फक्त स्टार प्रवाहवर पाहता येणार आहे.
महत्वाच्या बातम्या :
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)