Sargam Koushal Mrs. World 2022 : भारताच्या नावावर आणखी एक सुवर्ण किताब नोंदविण्यात आला आहे. भारतासाठी हा एक सुवर्ण टप्पा आहे. भारताच्या सरगम कौशलने (Sargam Koushal) अमेरिकेत आयोजित मिसेस वर्ल्ड 2022-23 (Mrs. World 2022-23 Pageant) चे विजेतेपद पटकावले आहे. सरगमचा मुकुट परिधान केल्याचा एक व्हिडीओ सोशल मीडियावर व्हायरल होत आहे. देशाची प्रतिष्ठा वाढवल्याबद्दल सर्व भारतीय आणि सेलिब्रिटींकडून सरगमचे अभिनंदन करत आहेत.
अदिती गोवित्रीकरने दिल्या खास शुभेच्छा
सरगमने 21 वर्षांनंतर हा मुकुट भारतात आणला आहे. याआधी अभिनेत्री अदिती गोवित्रीकरने (Aditi Govitrikar) हा किताब जिंकला होता. या विजयाबद्दल आदिती गोवित्रीकर यांनीही सरगम कौशलचे अभिनंदन केले आहे. अभिनेत्री-मॉडेल अदिती गोवित्रीकरने सोशल मीडियावरील एका पोस्टमध्ये सरगमचे अभिनंदन केले. "हार्दिक अभिनंदन @sargam3 @mrsindiainc या प्रवासाचा एक भाग झाल्याबद्दल खूप आनंद झाला ❤️.. 21 वर्षांनंतर मुकूट पुन्हा एकदा आला आहे."
बॉलीवूडचे हे दिग्गज सेलिब्रिटीही स्पर्धेत सहभागी
या दरम्यान, भारतीय स्पर्धक सरगम कौशलने बेबी पिंक गाऊन परिधान केला होता. अमेरिकेतील लास वेगास येथे झालेल्या या स्पर्धेत सरगम कौशलला ज्युरी पॅनलने मिसेस इंडिया वर्ल्ड 2022 चा मुकुट घातला. या स्पर्धेत अनेक बॉलिवूड सेलिब्रिटींनी सहभाग घेतला होता. त्यात अभिनेत्री सोहा अली खान, विवेक ओबेरॉय, मोहम्मद अझरुद्दीन, कॉउचर डिझायनर मौसमी मेवावाला आणि माजी मिसेस वर्ल्ड आदिती गोवित्रीकर यांचादेखील समावेश होता.
कोण आहे मिसेस वर्ल्ड सरगम कौशल?
21 वर्षांनंतर अमेरिकन सौंदर्य स्पर्धा जिंकून देशाचे शान उंचावणारी सरगम कौशल ही जम्मू-काश्मीरची रहिवासी आहे. सरगम ही व्यवसायाने शिक्षिका (Teacher) आणि मॉडेल (Model) आहे. 2018 मध्ये तिने लग्न केले आणि लग्नानंतर लगेचच तिने सौंदर्य स्पर्धेत सहभागी होण्याचा निर्णय घेतला. 2022 मध्ये तिने मिसेस इंडिया 2022 मध्ये भाग घेतला.
महत्त्वाच्या बातम्या :